Joe Sacco

Joe Sacco
Ħajja
Twelid	Ħal Kirkop, 3 Ottubru 1960 (64 sena)
Nazzjonalità	Malta
Edukazzjoni
Alma mater	University of Oregon (en) : ġurnaliżmu; Sunset High School (en)
Lingwi	Ingliż
Okkupazzjoni
Okkupazzjoni	artist tal-comics; ġurnalist
Post tax-xogħol	Portland
Xogħlijiet importanti	Palestine (en) ; Safe Area Goražde (en) ; Footnotes in Gaza (en) ; The Fixer: A Story from Sarajevo. (en) ; Days of Destruction, Days of Revolt (en) ; Paying the land (en)
Premjijiet	List Guggenheim Fellowship ; American Book Awards (1996) ; Eisner Award (2001) : Safe Area Goražde (en) ; Prix Tournesol (1999) ; Eisner Award for Best Writer/Artist (2010) ; Geschwister-Scholl-Preis (2021) ;
Moviment artistiku	non-fiction comics (en)

Joe Sacco (twieled 1960) huwa artista tal-komiks (wkoll magħrufin bħala strixxikli) u ġurnalista Malti. Ħa fama internazzjonali fl-1996 meta ingħata l-American Book Award għall-istrixxiklu Palestine. Huwa wkoll famuż għall-istrixxiklu fuq il-Gwerra tal-Bosnja bl-isem ta' Safe Area Goražde.

Sacco twieled Malta f'Ħal-Kirkop fl-1960^[1]. Missieru kien inġinier u ommu għalliema^[2]. Ta'sena il-familja tiegħu emigrat lejn l-Awstralja ^[3] fejn għadda tfulitu sakemm fl-1972, fl-età ta' 12 il-sena, flimkien mal-familja tiegħu, mar l-Istati Uniti (Los Angeles)^[1]. Għamel l-ewwel esperjenzi fil-ġurnaliżmu meta beda jaħdem fil-gazzetta ta' l-iskola Sunset High School f'Beaverton, Oregon. Waqt li il-Ġurnaliżmu kien l-interess ewlieni tiegħu, dan kien wkoll żmien fejn żviluppa xejra umoristika u satirika. Iggradwa minn-Sunset High School fl-1978. Beda studju tal-ġurnaliżmu fl-Università ta' Oregon u ggradwa hemm b'B.A. fl-1981. Wara impjieg qasir mal-ġurnal tal-Għaqda Nazzjonali tan-Nutara (Amerikani), xogħol li biħ b'ebda mod ma stagħdar ^[2], tilef kull-xewqa li jisr ġurnalista. Fl-1983 iddeċida li jmur Malta. F'intervista fuq il-BBC jgħid: "...I sort of decided to forget it and just go the other route, which was basically take my hobby, which has been cartooning, and see if I could make a living out of that,"^[4]. F'Malta beda jaħdem bħala artista ta' komiks romantiċi f'sensiela ta' strixxikli jisimhom Imħabba Vera. Kien proprija b'dan ix-xogħol li Joe Sacco beda l-karriera tiegħu ta’ artista tal-komiks. Waqaf jaħdem fuq dan il-proġett fl’għadd 6 tal-pubblikazzjoni meta irritorna lura lejn l-Amerka. Is-sensiela kienet suċċess. Aktar minn hekk kienet pass importanti fl-iżvilupp tal-komiks f'Malta ^[5].

Fl-1985, lura fl-Amerka, waqt li kien qiegħed Portland, Oregon, ħadem bħala ko-editur ta' komik li joħroġ kull xahar, il-Portland Permanent Press. Kien f'dan iż-żmien li ġie mqabbad mill-Fantagraphics Books sabiex joħrog l-antoloġija tal-komiks Centrifugal Bumble-Puppy, għalkemm din m'għamlitx xi suċċess kbir.

Sacco ppubblika l-ewwel serje, Yahoo, waħdu bejn l-1988 u l-1992. Din kienet waħda mit-titli awtobijografiċi li dehru fi stamperiji tal-komiks żgħar ta' dan iż-żmien. Iżda l-istint ġurnalistiku u l-interess vast ta' Sacco kienu atipiċi; Yahoo kien jixbaħ bejn wieħed u ieħor il-forma libera ta' David Collier u Harvey Pekar iżda b'ton iktar satiriku u b'inqas attenzjoni lokali. Fost affarijiet oħra, huwa akkumpanja rock band u f'tour Ewropew, ossessjona ruħu bil-media coverage dwar il-Gwerra tal-Golf u kiteb dwar il-ħajja ta' kuljum ta' stripper.

Dik il-parti ta' Yahoo dwar il-Gwerra tal-Golf tefgħat lil Sacco fi studju dwar il-politika tal-Lvant Nofsani. Mar l-Israel u fit-Territorju Palestinjan biex jagħmel riċerka għall-ewwel xogħol kbir tiegħu. Palestine hija kollezzjoni ta' biċċiet kemm qosra u twal, uħud minnhom juru l-vjaġġi u l-esperjenzi ma' Palestinjani (u xi Lhud), u xi wħud jiddramatizzaw l-istejjer li kien sema'. Palestine ħareġ taħt forma ta' serje ta' comic book mill-1993 sa l-2001 u wara ġie ppublikat f'diversi ħarġiet. Fl-1996, l-ewwel pubblikazzjoni rebħet l-American Book Award.

Aktar tard, fi tmiem il-Gwerra tal-Bożnija, Sacco mar Sarajevo u Goražde u pproduċa serje ta' rapporti fuq l-istil ta' Palestine, ir-rumanz impinġi Safe Area Goražde u The Fixer, u l-kollezzjoni ta' l-stejjer War's End. Safe Area Goražde rebħet l-Eisner Award għal Best Original Graphic Novel fl-2001.

Huwa kkontribwixxa xogħlijiet qosra oħra taħt forma ta' rappurtaġġ grafiku għal diversi magażins fuq suġġetti li jvarjaw mill-ħruxija tal-gwerra sal-mużika blues. Sacco, li bħalissa jgħix fi New York City, ħadem kemm-il darba għall-American Splendor ta' Harvey Pekar.

Aktar riċentement sacco Kiteb u penġa żewġ strixxikli fuq l-inġustizzji fl-Iraq ippublikati f'The Guardian [1] [2], kif wkoll strixxiklu ta' 16 il-paġna f' Harper's Magazine.[3]

Għażla bibljografika

2005: War's End. w:en:Drawn and Quarterly. ISBN 1896597920
2004: The Fixer. Drawn and Quarterly. ISBN 1896597602
2003: Notes from a Defeatist. [selected stories from Yahoo] Fantagraphics Books. ISBN 1560975105
2003: The Fixer: A Story from Sarajevo. Fantagraphics Books. ISBN 1896597602
2002: Safe Area Goražde: The War in Eastern Bosnia 1992-1995. Fantagraphics Books. ISBN 1560974702
2001: Palestine. [collection of entire series] Fantagraphics Books. ISBN 156097432x
1984: Imħabba Vera (għadd 1-6), PEG, Malta.

Referenzi

^ ^a ^b Drawn and Quarterly (2004). Joe Sacco: Biography. Kontenut meħud 22. Mejju 2008.
^ ^a ^b Duncan Campbell (October 23, 2003). 'I do comics, not graphic novels'. The Guardian. Kontenut meħud 22. Mejju 2008.
^ Read Yourself RAW. Profile: Joe Sacco. Kontenut meħud 22. Mejju 2008.
^ Ben Arnold (August 27, 2004). Tele-intervista ma Joe Sacco (fajl Awdjo .ram, sors: Interview with Joe Sacco. BBC. URL meħud 26, 2006.
^ "Imħabba Vera kien strixxiklu li ħareġ għall-arja dak li qabel qatt ma kien għadu deher fil-pubblikazzjonijiet Maltin. Sa l-1984 l-influs barrani kien ikkontrollat u ċ-ċensura kienet għadha meqjusa importanti." Malta Comics. URL meħuda 26 April 2008

Ħoloq esterni

Wikimedia Commons għandha fajls multimedjali li għandhom x'jaqsmu ma': Joe Sacco (Joe Sacco)

Fantagraphics Books: Joe Sacco
Biografija ta' Joe Sacco minn Fantagraphics
Brueghel in Bosnia Intervista f' L.A. Weekly.
The Art Of War Intervista f' Mother Jones.
Intervista ma Joe Sacco - intervista fuq Weekend America
Joe Sacco goes to war to write a comic book - Intervista fuq Minesota Public Radio
Joe Sacco - Presentazzjoni mgħotija minn Joe Sacco f' Novembru 2007 fil-Walker Art Center fuq The Walker Channel, arkivju ta' Taħdidiet mgħotija fil-Walker Art Center. (fajl Awdjo .mp4), sors

[drawnquarter-1] Drawn and Quarterly (2004). Joe Sacco: Biography. Kontenut meħud 22. Mejju 2008.

[guardian-2] Duncan Campbell (October 23, 2003). 'I do comics, not graphic novels'. The Guardian. Kontenut meħud 22. Mejju 2008.

[readyourselfraw-3] Read Yourself RAW. Profile: Joe Sacco. Kontenut meħud 22. Mejju 2008.

[BBC-4] Ben Arnold (August 27, 2004). Tele-intervista ma Joe Sacco (fajl Awdjo .ram, sors: Interview with Joe Sacco. BBC. URL meħud 26, 2006.

[imabba-vera-5] "Imħabba Vera kien strixxiklu li ħareġ għall-arja dak li qabel qatt ma kien għadu deher fil-pubblikazzjonijiet Maltin. Sa l-1984 l-influs barrani kien ikkontrollat u ċ-ċensura kienet għadha meqjusa importanti." Malta Comics. URL meħuda 26 April 2008

[1]

[2]

[3]

[4]

[5]