Elizabeth Taylor

attriċi Britannika-Amerikana

Elizabeth Rosemond Taylor DBE (27 ta’ Frar, 1932 - 23 ta’ Marzu, 2011) kienet attriċi, negozjanta, u filantropista Ingliża-Amerikana. Hija bdiet il-karriera tagħha bħala attriċi meta kienet għadha tifla, fil-bidu tas-snin 40, u kienet waħda mill-aktar stilel popolari taċ-ċinema klassika ta’ Hollywood fis-snin 50. Hija kompliet il-karriera tagħha b'suċċess fis-sittinijiet, u baqgħet figura pubblika magħrufa għall-bqija ta' ħajjitha. Fl-1999, l- American Film Institute semmieha s-seba' l-aktar mara leġġendarja tal-iskrin ta' kull żmien.

Elizabeth Taylor
Taylor, Elizabeth posed.jpg
Ħajja
Isem propju Elizabeth Rosemond Taylor
Twelid Hampstead Garden Suburb (en) Translate, 27 Frar 1932
Nazzjonalità Renju Unit
Stati Uniti tal-Amerka
Stati Uniti tal-Amerka
Mewt Los Angeles, 23 Marzu 2011
Post tad-dfin Forest Lawn Memorial Park (en) Translate
Manjiera tal-mewt kawżi naturali (congestive heart failure (en) Translate)
Familja
Missier Francis Lenn Taylor
Omm Sara Sothern
Konjuga/i Conrad Hilton, Jr. (en) Translate  (6 Mejju 1950 -  29 Jannar 1951)
Michael Wilding (en) Translate  (21 Frar 1952 -  30 Jannar 1957)
Mike Todd (en) Translate  (2 Frar 1957 -  22 Marzu 1958)
Eddie Fisher (en) Translate  (12 Mejju 1959 -  5 Marzu 1964)
Richard Burton (en) Translate  (15 Marzu 1964 -  26 Ġunju 1974)
Richard Burton (en) Translate  (10 Ottubru 1975 -  29 Lulju 1976)
John Warner (en) Translate  (4 Diċembru 1976 -  7 Novembru 1982)
Larry Fortensky (en) Translate  (6 Ottubru 1991 -  31 Ottubru 1996)
Ulied
Familja
Edukazzjoni
Lingwi Ingliż
Okkupazzjoni
Okkupazzjoni philanthropist (en) Translate
awtobijografu
attur tal-palk
attur televiżiv
kittieb
attur ċinematografiku
producer ċinematografiku
kollezzjonista tal-arti
HIV activist (en) Translate
Premjijiet
Nominat għal
Influwenzat minn Marianne Williamson (en) Translate

Imwielda f’Londra minn ġenituri Amerikani soċjalment prominenti, Taylor marret mal-familja tagħha f’Los Angeles fl-1939. Iddebuttat bħala attriċi fil-film tal-Universal Pictures There One Born Every Minute (1942), iżda l-istudio temm il-kuntratt tagħha wara sena. Wara dan iffirmat kuntratt mal- Metro-Goldwyn-Mayer u saret stilla żagħżugħa popolari wara li dehret f'National Velvet (1944). Hija għamlet tranżizzjoni għal rwoli maturi fis-snin ħamsin, meta ħadet sehem fil-kummiedja Father of the Bride (1950) u ntlaqgħet tajjeb ferm mill-kritiċi għall-parti tagħha fil-film dramatiku A Place in the Sun (1951).

Minkejja li kienet waħda mill-aktar stilel popolari tal-MGM, Taylor xtaqet ittemm il-karriera tagħha fil-bidu tas-snin ħamsin. Hija kienet konta l-kontroll tal-istudio u ma għoġbitha xejn l-għażla ta' films li kienet assenjata minnhom. Bdiet tirċievi rwoli aktar kif xtaqet f'nofs is-snin 50, b'mod partikolari minn u wara l-film Giant (1956), u ħadet sehem f'diversi films ta' suċċess sew kritiku kif ukoll kummerċjali fis-snin ta' wara. Dawn kienu jinkludu żewġ adattamenti tal-films ta' drammi minn Tennessee Williams : Cat on a Hot Tin Roof (1958), u Suddenly, Last Summer (1959); Taylor rebħet il-Golden Globe għall-Aħjar Attriċi għal din tal-aħħar. Għalkemm ma xtaqitx l-irwol ta' call girl f'BUttterfield 8 (1960), l-aħħar film tagħha għall-MGM, hija rebħet l-Academy Award għall-Aħjar Attriċi għal din il-parti.

Waqt il-produzzjoni tal-film Cleopatra fl-1961, Taylor u l-attur Richard Burton bdew relazzjoni barra miż-żwieġ, li kkawżat skandlu. Minkejja d-diżapprovazzjoni tal-pubbliku, huma komplew ir-relazzjoni tagħhom u żżewġu fl-1964. Huma ħadu sehem fi 11-il film flimkien, inklużi The VIPs (1963), The Sandpiper (1965), The Taming of the Shrew (1967), u Who's Afraid of Virginia Woolf? (1966). Hi u Burton iddivorzjaw fl-1974, iżda rrikonċiljaw ftit wara, u reġgħu żżewġu fl-1975. It-tieni żwieġ intemm bid-divorzju fl-1976.

Il-karriera ta’ Taylor bdiet tbatti fl-aħħar tas-sittinijiet, għalkemm kompliet tieħu sehem f’films sa nofs is-sebgħinijiet, wara li ffokat fuq il-karriera tas-sitt raġel tagħha, is-Senatur tal-Istati Uniti John Warner (R-Virginia). Fis-snin tmenin, hija dehret fl-ewwel rwoli sostanzjali tal-palk u f'diversi films u serje televiżivi. Hija saret ukoll l-ewwel ċelebrità li nediet ditta tal-fwieħa. Taylor kienet waħda mill-ewwel personalitajiet magħrufa li ħadu sehem fl-attiviżmu tal-HIV / AIDS. Hija kienet il-ko-fundatriċi tal-Fondazzjoni Amerikana għar-Riċerka dwar l-AIDS fl-1985 u l-Fondazzjoni Elizabeth Taylor għall-AIDS fl-1991. Mill-bidu tad-disgħinijiet sa mewtha, hija ddedikat ħafna ħin għall-filantropija, li għaliha rċeviet diversi premji, inkluża l-Presidental Citizens Medal.

Matul il-karriera tagħha, il-ħajja personali ta' Taylor kienet suġġett t'attenzjoni kostanti mill-midja. Hija kienet miżżewġa tmien darbiet ma' seba' rġiel, ikkonvertiet għall-Ġudaiżmu, ġarrbet mard serju, u għexet stil ta' ħajja magħruf bħala jet set, inkluż il-ħolqien ta' waħda mill-aktar kollezzjonijiet privati kbar ta' ġojjelli fid-dinja. Wara bosta snin marida, Taylor mietet b'kundizzjoni tal-qalb konġestiva fl-2011, fl-età ta' 79.