Iftaħ il-menu prinċipali

Anne Frank (12 Ġunju 1929 - bidu ta' Marzu 1945) hija waħda mill-vittmi Lhud l-aktar magħrufa u diskussa tal-Olokawst. Rikonoxxuta għall-kwalità tal-kitba tagħha, id-djarju tagħha sar wieħed mill-aktar kotba li jinqraw fid-dinja, u kien il-bażi għal diversi xeneġġjaturi ta’ films u reċti.

Twieldet fil-belt ta' Frankfurt il-Ġermanja, hija għexet il-parti il-kbira ta’ ħajjitha f’Amsterdam jew qrib tagħha, fl-Olanda. In-nazzjonalità tagħha, kienet uffiċjalment Ġermaniża sal-1941, izda tilfet in-nazzjonalità tagħha minħabba l-politika kontra ir-razza semitika, tal-Ġermanja Nazista (il- Liġijiet Nuremberg). Hija kisbet fama internazzjonali wara mewtha, meta ġie ppublikat id-djarju tagħha, fejn kitbet l-esperjenzi tagħha matul l-okkupazzjoni Ġermaniża ta' l-Olanda fit-Tieni Gwerra Dinjija.

Il-familja Frank iċċaqalqet mill-Ġermanja lejn Amsterdam fl-1933, is-sena li fiha n-Nazisti kisbu l-kontroll fuq il-Ġermanja, sal-bidu tas-sena 1940, iżda n-Nazi ma damux ma okkupaw ukoll dan il-pajjiz u l-familja Frank kellha tibqa f'Amsterdam minħabba l-okkupazzjoni Nazista fl-Olanda. Minħabba din l-akbar persekuzzjoni tal-popolazzjoni Lhudija f'Lulju 1942, il-familja għexhet fil-moħba tal-kmamar ta’ ħabib missier Anne (Otto Frank). Wara sentejn, il-familja Frank flimkien ma’ xi nies oħra ġew skoperti u għalhekk meħuda lejn kampijiet ta’ konċentrament. Anne Frank u oħtha , Margot, ġew eventwalment ittrasferiti lejn il-kamp ta' konċentrament Bergen-Belsen , fejn it-tnejn mietu f’Marzu 1945 .

Otto Frank , l-uniku superstiti tal-familja , kif intemmet il-gwerra mar lura Amsterdam fejn sab id-djarju ta’ Anne, l-isforzi tiegħu wasslu għall-pubblikazzjoni tad-djarju fl-1947. Id-djarju ġie tradott mil-lingwa oriġinali tiegħu għal-Ingliż fl-1952 bit-titlu ta’ A Young Girl’s Diary. Illum id-djarju insibuh f'bosta lingwi.