Alyson Renae Michalka, magħrufha aħjar bħala Aly Michalka (twieldet fil-25 ta' Marzu 1989) hija attriċi, kantawtriċi, kitarrista u pjanista Amerikana. Hi hi l-aktar magħrufha għall-irwol ta' Keely Teslow fis-serje televiżiva Phil of the Future (Phil tal-Futur) imxandar fuq Disney Channel, u bħala Taylor Callum f'Cow Belles. Barra mix-xena televiżiva, hi tifforma parti mid-dwett Aly & AJ iffurmat flimkien ma' oħtha Amanda Michalka.

Alyson Michalka
Informazzjoni ġenerali
Isem sħiħ Alyson Renae Michalka
Magħruf Aly
Twieled 25 ta' Marzu 1989 (1989-03-25) (35 sena)[1]
Oriġini Kalifornja, Stati Uniti
Ġeneru Rock akustiku, pop, pop rock, electropop
Snin ta' attività 2004–preżent
Sit uffiċjali www.alyandaj.com

Firma ta' Alyson

Bijografija immodifika

Alyson twieldet u trabbiet flimkien ma' oħtha Amanda, f'Torrance, Kalifornja. Michalka ilha minn meta kellha ħames snin idoqq il-pjanu u minn tlettax idoqq il-kitarra. Bdiet tirreċta meta kellha ħames snin, fejn ħafna drabi kienet tieħu sehem fi produzzjonijiet tal-knisja. Ġiet imrabba fi sfond Kristjan u għadha prattikanta tiegħu. Tħobb tkanta u pproduċiet ukoll albums ma' oħtha.[2][3][4]

Karriera immodifika

Id-debutt ta' Alyson fid-dinja televiżiva wasal bl-irwol ta' Keely Teslow li ngħatat fis-serje Phil of the Future. Barra minn hekk dehret ukoll fil-film ta' Disney Now You See It..., fejn hawnhekk kellha l-irwol ta' Allyson Miller, produttriċi televiżiva ambizzjuża, u f'Cow Belles fejn tidher fil-kumpanija ta' oħtha. Alyson u oħtha iffurmaw id-dwett mużikali "Aly & AJ". L-ewwel album tagħhom, Into the Rush, ħareġ fis-16 ta' Awwissu 2005. Fl-2007 ħareġ l-album il-ġdid Insomniatic, li kien jinkludi l-kanzunetta "Potential Break-Up Song", li għamlet suċċess kbir fis-swieq mużikali u l-klassifiki tal-mużika Amerikani. Barra minn hekk, attwalment qed jaħdmu fuq l-album il-ġdid, li mistenni li joħroġ fis-sajf tal-2009.

Filmografija immodifika

Sena Titlu Rwol Noti
2004–2006 Phil of the Future Keely Teslow Rwol prinċipali
2005 Now You See It... Allyson Miller Magħmul għat-televixin (Disney Channel)
2006 Cow Belles Taylor Callum Magħmul għat-televixin (Disney Channel)
2007 Super Sweet 16: The Movie Taylor Plimpton (Taylor Tiara) magħmul għat-televixin (MTV Films)
2009 Bandslam Charlotte Barnes tkompla

Noti immodifika

  1. ^ "Family Tree Legends". Arkivjat minn l-oriġinal fl-2012-06-16. Miġbur 2009-03-12.
  2. ^ "Aly & AJ, 11/05 - Interviews" (bl-Ingliż). Christian Music Today. Arkivjat minn l-oriġinal fl-2009-09-11. Miġbur 2009-03-12.
  3. ^ "Tweenage Riot" (bl-Ingliż). Blender.
  4. ^ "Grounded in Faith - Today's Christian" (bl-Ingliż). Today's Christian.

Ħoloq esterni immodifika