'''Pangolin''' huwa [[mammiferu]] [[insettivoru]] ta' daqs żgħir u medju mifruxa fir-reġjuni tropikali tal-[[Afrika]] u l-[[Asja]]. Il-pangolini, jew kif inhuma imsejjħin ukoll [[bunemmiel tal-iskwaniqxur|bunemmiela tal-iskwamiqxur]] u [[wikkilin in-nemel tal-iskwamiqxur]], għandhom 8 [[speċi]]. Dawn qegħdin ikklassifikati kollha kemm huma fil-[[ġeneru]] ''[[Manis]]'', fis-[[sottofamilja]] [[Maninae]], fil-[[familja (bijoloġija)|familja]] [[Manidae]] u fl-[[ordni (bijoloġija)|ordni]] [[Pholidota]]. L-isem "pangolin" ġej minn kelma [[Malajana]] ''"pengguling"'' li tfisser imkebbeb.
Il-pangolini għandhom ġisimhom miksi bi skaljiqxur kbar u iebsin magħmulin minn ħafna strati ta' xagħar. LIl-iskaljiqxur tal-pangolini ż-żgħar ikunu rotob mat-twelid, iżda dawn jibbiesu bil-mod il-mod matul l-iżvilupp. Dawn lil-iskaljiqxur minn barra li jiffurmaw armaturakurazza naturali, għandhom ix-xifer qisu xafra u b'hekk iservu ta' difiża doppja. Il-pangolini meta jħossuhom fil-periklu kapaċi jitkebbu f'forma ta' ballun.
Il-pangolini m'għandhomx snien, iżda minflok għandhom ilsien twil ħafna u glandola tal-bżieq enormi. Il-bżieq li joħroġ minn din il-glandola qisu kolla u flimkien mal-ilsien jintużaw mill-pangolini biex jaqbdu kwantita kbira ta' nemel u termiti.
