Plamer

persuna speċjalizzata fl-installazzjoni u fil-manutenzjoni tas-sistemi tal-ilma tax-xorb u tad-dranaġġ

Plamer huwa ħaddiem tas-sengħa li jispeċjalizza fl-installazzjoni u fil-manutenzjoni ta’ sistemi li jintużaw għall-ilma tajjeb għax-xorb u ta’ sistemi tad-dranaġġ u tad-drenaġġ tal-ilma mormi.[1][2]

Storja immodifika

It-terminu “plamer” imur lura għal żmien l-Imperu Ruman.[3] Is-soqfa Rumani kien ikollhom iċ-ċomb fil-katusi u fil-pajpijiet tal-ilma u tad-drenaġġ[4] u wħud kienu jkunu saħansitra miksijin biċ-ċomb; iċ-ċomb kien jintuża wkoll għall-pajpijiet inġenerali u għall-kostruzzjoni tal-banjijiet.[5] Il-kelma bil-Latin għal ċomb hija plumbum.

 
Poster Amerikan dwar l-importanza ta’ xogħol il-plamers

Fil-Medju Evu, kwalunkwe individwu li kien jaħdem biċ-ċomb kien jissejjaħ plamer. Dan huwa ddokumentat f’estratt dwar il-ħaddiema tal-imgħoddi li sewwew is-saqaf tal-Palazz ta’ Westminster; dawn kienu msejħa plamers: "Lil Gilbert de Westminster, plamer, li ħadem fuq is-saqaf tad-dispensa tas-sala ż-żgħira, u ksieh biċ-ċomb, u li sewwa diversi difetti fis-saqaf tas-sala ż-żgħira".[6] B’hekk persuna li kellha l-esperjenza fix-xogħol biċ-ċomb l-ewwel kienet magħrufa bħala Plumbarius li mbagħad ġiet imqassra u saret plamer.

Attivitajiet immodifika

Sabiex wieħed isir plamer tas-sengħa huma meħtieġa snin ta’ taħriġ u/jew esperjenza; xi ġurisdizzjonijiet jeħtieġu wkoll li l-plamers ikollhom liċenzja. Fost il-kompiti u l-ħiliet komuni ta’ plamer insibu:

  • il-qari ta’ tpinġijiet u ta’ speċifikazzjonijiet, sabiex tiġi ddeterminata l-konfigurazzjoni tal-provvista tal-ilma, tad-dranaġġ u tad-drenaġġ tal-ilma mormi, u tas-sistemi tal-ventilazzjoni.
  • l-individwar ta’ difetti jew ħsarat fl-apparati u fis-sistemi tad-dranaġġ, u d-dijanjożi korretta tal-kawżi tagħhom.
  • l-installazzjoni, it-tiswija u l-manutenzjoni tal-apparati u tas-sistemi domestiċi, kummerċjali u industrijali tad-dranaġġ u tad-drenaġġ tal-ilma mormi.
  • is-sejba u l-immarkar ta’ pożizzjonijiet adattati għall-konnessjonijiet tal-pajpijiet u għall-komunikazzjonijiet tagħhom minn ġol-ħitan u minn mal-art.
  • il-kejl, it-tqattigħ, il-liwi u t-tqabbid tal-pajpijiet bl-idejn u bl-użu ta’ għodod jew makkinarju elettroniku.
  • l-issaldjar tal-pajpijiet u tal-katusi permezz tal-kompressjoni, tal-kamini jew ta’ tekniki tat-twaħħil flimkien.
  • l-ittestjar tal-pajpijiet biex jiġi vverifikat humiex qed iqattru, bl-użu ta’ gejġ tal-pressa tal-arja u tal-ilma.
  • il-konformità, fix-xogħol kollu li jsir, mar-regolamenti legali u mar-rekwiżiti tas-sikurezza.
  • l-iżgurar li l-istandards tas-sikurezza u r-regolamenti kollha tal-bini qed jiġu rrispettati.

Stati Uniti immodifika

Kull stat u lokalità jista’ jkollhom l-iskemi tal-liċenzjar u tat-taxxi għall-plamers. Xi stati jagħtu l-liċenzji għall-plamers bażiċi u professjonisti separatament, filwaqt li oħrajn joħorġu liċenzji għall-plamers professjonisti biss. Saniex jingħataw il-liċenzja, il-plamers iridu jissodisfaw l-istandards għat-taħriġ u għall-esperjenza, u fil-biċċa l-kbira tal-każijiet, jgħaddu minn eżami taċ-ċertifikazzjoni. Ma hemm l-ebda liġi federali li tistabbilixxi l-liċenzji għall-plamers fl-Istati Uniti.[7]

Kanada immodifika

Fil-Kanada, ir-rekwiżiti tal-liċenzjar ivarjaw minn provinċja għall-oħra; madankollu, il-provinċji ġabru flimkien ir-riżorsi tagħhom biex jiżviluppaw Programm ta’ Gwida Interprovinċjali li żviluppa u issa jipprovdi standards tat-taħriġ fl-apprendistati fil-provinċji kollha. Il-Programm tas-Siġill l-Aħmar, magħruf formalment bħala l-Programm tas-Siġill l-Aħmar għall-Istandards Interprovinċjali, huwa programm li jistabbilixxi standards komuni biex jiġu vvalutati l-ħiliet tal-ħaddiema tas-sengħa fil-Kanada kollha. Is-Siġill l-Aħmar, meta jitqiegħed fuq ċertifikat tas-sengħa provinċjali jew territorjali, jindika li l-ħaddiem tas-sengħa wera li għandu l-għarfien meħtieġ skont l-istandard nazzjonali f’dik is-sengħa.[8]

Renju Unit immodifika

 
Plamer ħiereġ minn ġo tappiera

Il-Kwalifiki Vokazzjonali Nazzjonali (bl-Ingliż: National Vocational Qualifications (NVQ)) baqgħu l-forma prinċipali ta’ kwalifiki għall-plamers sakemm ħadilhom posthom il-Qafas tal-Kwalifiki u l-Krediti (bl-Ingliż: Qualification and Credit Framework (QCF))[9] tal-2008, u mill-ġdid fl-2015, l-oqfsa tal-kwalifiki nazzjonali fir-Renju Unit. L-akronimi NVQ u SVQ (Scottish Vocational Qualification; jiġifieri Kwalifika Vokazzjonali Skoċċiża) għandhom jintużaw b’mod frekwenti.[10]

Il-plamers fir-Renju Unit huma meħtieġa jgħaddi r-rekwiżiti vokazzjonali tal-Livelli 2 u 3 tal-Istitut tal-Belt u tax-Xirkiet ta’ Londra. Hemm diversi korpi regolatorji fir-Renju Unit li jipprovdu kwalifiki akkreditati għall-plamers, fosthom l-Istitut tal-Belt u tax-Xirkiet ta’ Londra u Pearson PLC.[11]

Irlanda immodifika

Fl-Irlanda, apprendistat ta’ erba’ snin u eżami ta’ kwalifika huma meħtieġa biex plamer ikun jista’ jwettaq ix-xogħol tiegħu bħala professjonista. L-akkreditazzjoni tan-negozji hija ta’ għajnuna kbira sabiex il-plamers ikunu jistgħu juru l-affidabbiltà u l-esperjenza tagħhom fil-qasam.

Perikli immodifika

Hemm bosta tipi ta’ perikli li plamer jista’ jħabbat wiċċu magħhom. Dawn jinkludu strapazz, feriti u ġrieħi, tbenġil u daqqiet, fratturi, ħruq u selħiet, dħul ta’ trab, likwidu, ħmieġ jew affarijiet żgħar fl-għajnejn, u ernji. Ix-xogħol fil-għoli jew fi spazji magħluqa żgħar, kif ukoll l-esponiment potenzjali għall-asbestos u għaċ-ċomb, huma kollha perikli relatati max-xogħol tal-plamers.[12]

 
Plamer residenzjali

Riskji ta’ mard infettiv immodifika

Il-plamers jissograw li jlaqqtu xi infezzjonijiet meta jaħdmu f’ambjenti bil-ħmieġ tal-bniedem huma u jaħdmu fit-tiswija tas-sistemi tad-dranaġġ. Il-mikrobi fil-ħmieġ jew fir-rimettar tal-bniedem jistgħu jibqgħu fit-tul mat-tojlits jew mal-katusi u mal-pajpijiet tad-dranaġġ. Il-ħmieġ tal-bniedem jaf iwassal għal mard infettiv bħall-kolera, it-tifojde, l-epatite, il-poljo, il-kriptosporidjożi, l-askarjażi, u l-iskistosomjażi.[13]

Użi oħra immodifika

It-termini "White House Plumbers" (litteralment “Plamers tal-White House”) kien isem popolari li kien jingħata lill-Unità tal-Investigazzjonijiet Speċjali tal-White House stabbilita fl-24 ta’ Lulju 1971 matul il-presidenza ta’ Richard Nixon. Ix-xogħol tagħhom kien jinvolvi l-installazzjoni ta’ mikrofoni tal-ispjunaġġ (bl-Ingliż: “leaks”) tal-Gvern tal-Istati Uniti b’rabta mal-Gwerra tal-Vjetnam (jiġifieri d-Dokumenti tal-Pentagon); u għalhekk il-metafora tkompliet bit-terminu “plamers”.[14]

Referenzi immodifika

  1. ^ Whitney, William D., ed.. "Trade." Def, 7. The Century Dictionary: An Encyclopedic Lexicon of the English Language vol. 8. New York. The Century Co. 1895. 6,415. Print.
  2. ^ Michigan Department of Technology, Management (2017-12-01). "Employment and Occupations in the Skilled Trades in Michigan" (PDF). web.archive.org. Arkivjat minn l-oriġinal (PDF) fl-2017-12-01. Miġbur 2021-07-17.
  3. ^ Pulsifer, William H. Notes For a History of Lead, New York University Press, 1888, pp. 132, 158.
  4. ^ Middleton, John Henry (1892). The Remains of Ancient Rome (bl-Ingliż). A. and C. Black. Ċitazzjoni għandu parametr mhux magħruf u vojt: |iktar= (għajnuna)
  5. ^ ila-lead.org (2008-11-21). "Historical production and uses of lead" (PDF). web.archive.org. Arkivjat minn l-oriġinal (PDF) fl-2008-11-21. Miġbur 2021-07-17.
  6. ^ EW Wedlake; J Britton (1836). "Westminster Palace". The history of the ancient palace and late Houses of Parliament at Westminster. J B Nichols and son. p. 122.
  7. ^ "Plumbers, Pipefitters, and Steamfitters : Occupational Outlook Handbook: : U.S. Bureau of Labor Statistics". www.bls.gov (bl-Ingliż). Miġbur 2021-07-17.
  8. ^ Canada, Employment and Social Development. "Red Seal Program". www.red-seal.ca. Arkivjat minn l-oriġinal fl-2020-08-02. Miġbur 2021-07-17.
  9. ^ "How to become a plumber | Plumber qualifications | Local Heroes". localheroes.com (bl-Ingliż). Miġbur 2021-07-17.
  10. ^ "How to become a plumber | Plumber qualifications | Local Heroes". localheroes.com (bl-Ingliż). Miġbur 2021-07-17.
  11. ^ "How to become a plumber | Plumber qualifications | Local Heroes". localheroes.com (bl-Ingliż). Miġbur 2021-07-17.
  12. ^ Magazine, Plumber (2018-01-15). "9 Hazards Plumbers Should Be Aware Of". Plumber Magazine (bl-Ingliż). Miġbur 2021-07-17.
  13. ^ Haagsma, Juanita A.; Tariq, Luqman; Heederik, Dick J.; Havelaar, Arie H. (2012-02-01). "Infectious disease risks associated with occupational exposure: a systematic review of the literature". Occupational and Environmental Medicine (bl-Ingliż). 69 (2): 140–146. Ċitazzjoni għandu parametr mhux magħruf u vojt: |iktar= (għajnuna)
  14. ^ Hersh, Seymour M. (2011-11-10). "Kissinger and Nixon in the White House". The Atlantic (bl-Ingliż). Miġbur 2021-07-17.