Ludmila tal-Boemja
Ludmila tal-Boemja jew Santa Ludmila tal-Boemja (twieldet għall-ħabta tat-860 – mietet fil-15 ta' Settembru 921) hija qaddisa u martri Ċeka meqjuma mill-Ortodossi u mill-Kattoliċi Rumani. Hija twieldet f'Mělník bħala bint il-prinċep tas-Sorbi Slavibor.[1] Santa Ludmila kienet in-nanna ta' San Wenceslaus, li ġeneralment huwa magħruf l-iktar bħala r-Re t-Twajjeb Wenceslaus. Santa Ludmila ġiet kanonizzata ftit wara mewtha. Bħala parti mill-proċess ta' kanonizzazzjoni fid-925, Wenceslaus ċaqlaq il-fdalijiet tagħha lejn il-Bażilika ta' San Ġorġ fi Praga.[2]
| Ludmila tal-Boemja | |
|---|---|
 | |
| Ħajja | |
| Twelid |
Mělník (en)  , 860 |
| Mewt | Tetín, 15 Settembru 921 |
| Post tad-dfin | Bażilika ta' San Ġorġ, Praga |
| Kawża tal-mewt |
fgar omiċidju |
| Familja | |
| Missier | Slavibor |
| Konjuga/i | Bořivoj I |
| Ulied |
uri |
| Okkupazzjoni | |
| Okkupazzjoni | aristokratiku |
| Festa | |
| 16 ta' Settembru | |
Żwieġ
immodifikaLudmila żżewġet lil Bořivoj I tal-Boemja, l-ewwel Duka Kristjan tal-Boemja, fit-873. Il-koppja kkonvertiet għall-Kristjaneżmu permezz tal-isforzi ta' Metodju. L-isforzi tagħhom biex il-Boemja tikkonverti għall-Kristjaneżmu inizjalment ma ntlaqgħux tajjeb, u l-pagani keċċewhom minn pajjiżhom għal xi żmien. Eventwalment il-koppja reġgħet lura u rrenjat għal diversi snin qabel ma rtirat f'Tetín, qrib Beroun.[3]
Bořivoj ħadlu postu ibnu Spytihněv, li mbagħad ħadlu postu ħuh Vratislav. Meta Vratislav miet fid-921, ibnu Wenceslas sar il-mexxej li jmiss tal-Boemja. Primarjament kienet Ludmila li rabbiet lin-neputi tagħha, u hi għamlitha ta' reġġent għalih.[4]
Ludmila u Drahomíra
immodifikaOmm Wenceslaus, Drahomíra, bdiet tgħir għall-influwenza li kellha Ludmila fuq Wenceslaus. B'hekk qabbdet lil żewġ irġiel nobbli, Tunna u Gommon (x'aktarx ta' dixxendenza Franka jew Varangjana) joqtlu lil Ludmila f'Tetín, u parti mill-ġrajja ta' Ludmila ssostni li ġiet fgata bil-velu tagħha stess. Inizjalment, Ludmila ndifnet fil-Knisja ta' San Mikiel f'Tetín.[5]
Ludmila ġiet kanonizzata ftit wara mewtha. Bħala parti mill-proċess ta' kanonizzazzjoni, fid-925 Wenceslaus ċaqlaq il-fdalijiet tagħha lejn il-Bażilika ta' San Ġorġ fi Praga. Ludmila hija meqjuma bħala l-patruna tal-Boemja. Hija titqies bħala l-qaddisa patruna tal-Boemja, ta' dawk li jikkonvertu, tad-dukessi, ta' dawk li jkollhom diżgwidi ma' qrabathom, u tar-romol. Il-festa tagħha tiġi ċċelebrata fis-16 ta' Settembru.[6]
Antonín Dvořák ikkompona l-oratorju tiegħu msejjaħ Santa Ludmila bejn Settembru 1885 u Mejju 1886. Dan ix-xogħol ġie kkummissjonat mill-pubblikatur Littleton għall-Festival ta' Leeds.[7]
Referenzi
immodifika- ^ "MM - legendy - Prolog o sv. Ludmile (JVajs)". www.moraviamagna.cz. Miġbur 2023-04-03.
- ^ "Saint Ludmila | Biography & Facts | Britannica". www.britannica.com (bl-Ingliż). Miġbur 2023-04-03.
- ^ "CATHOLIC ENCYCLOPEDIA: St. Ludmilla". www.newadvent.org. Miġbur 2023-04-03.
- ^ www.fg.cz, 2023, FG Forrest, a s. "Saint Ludmila - 1100 years since the death of the first Czech saint". Prague.eu (bl-Ingliż). Arkivjat minn l-oriġinal fl-2021-09-17. Miġbur 2023-04-03.
- ^ Kantor, M. The Origins of Christianity in Bohemia. 1990.
- ^ "Martri". www.vatican.va. Miġbur 2023-04-03.
- ^ "St. Ludmila, patroness of Bohemia". blogs.bl.uk (bl-Ingliż). Miġbur 2023-04-03.