Liebru ta' Granada

Liebru ta' Granada
	Liebru ta' Granada
Klassifikazzjoni xjentifika
Renju:	Animalia;
Phylum:	Chordata;
Klassi:	Mammalia;
Sottoklassi:	Theria;
Infraklassi:	Eutheria;
Superordni:	Euarchontoglires;
Ordni:	Lagomorpha;
Familja:	Leporidae;
Ġeneru:	Lepus;
Speċi:	L. granatensis;
Isem binominali
	Lepus granatensis; (Rosenhauser, 1856)

Il-Liebru ta' Granada, jew kif inhu magħruf xjentifikament Lepus granatensis, huwa speċi ta' mammiferu plaċentat tal-familja Leporidae, fl-ordni Lagomorpha, nattiv tal-kontinent tal-Ewropa.

Dan il-liebru huwa speċi komuni mifruxa sew ma' arja vasta fil-peninżula Iberika u rari jekk mhux estinta fuq il-gżira ta' Majorka.

Din l-ispeċi kienet ikkunsidrata għal żmien twil bħala sottospeċi tal-Liebru Ewropew (Lepus europaeus) u anke bħala sottospeċi tal-Liebru ta' Kap (Lepus capensis). Il-Liebru ta' Granada huwa l-iżgħar speċi ta' liebru li hemm fil-peninżula Iberika, b'tul massimu ta' 45 ċentimetru, b'10 ċentimetri oħra f'denb u b'piż li jvarja bejn 2 u 2.5 kilogrammi.

Klassifikazzjoni

Dan il-liebru wara ħafna riklassifikazzjonijiet bħala sottospeċi ġie kklassifikat bħala speċi separata, waħda minn għaxar speċi li qegħdin klassifikati fis-sottoġeneru Eulagos u maqsuma minn tal-inqas fi tliet sottospeċi.

Ordni Lagomorpha
- Familja Leporidae
  - Sottofamilja Leporinae
    - Tribù Leporini
      - Ġeneru Lepus
        Sottoġeneru Eulagos
        Liebru ta' Granada Lepus granatensis
        Sottospeċi
        
        Liebru Galliku, Lepus granatensis gallaecius (Miller, 1907)
        
        Liebru Kastellan, Lepus granatensis granatensis (Rosenhauser, 1856)
        
        Liebru Majorkin, Lepus granatensis solisi (Palacios & Fernández, 1992)

Sinonimi

"Lepus europaeus granatensis" u "Lepus capensis granatensis" huma sinonimi jew l-istess bħal u jirreferu għal Lepus granatensis ta' Rosenhauser, 1856.

Referenzi

Hoffmann, Robert S.; Andrew T. Smith (November 16, 2005). Wilson, D. E., and Reeder, D. M. (eds): Mammal Species of the World, 3rd edition, Johns Hopkins University Press. ISBN 0-8018-8221-4.
Id-Databażi Palebijoloġika
Tassonomija tal-Mammiferi