Hryhorii Kvitka-Osnovianenko
Hryhorii Kvitka-Osnovianenko (bl-Ukren: Григорій Квітка-Основ'яненко, twieled fid-29 ta' Novembru 1778 – miet fl-20 ta' Awwissu 1843) kien kittieb, ġurnalist u drammaturgu Ukren. Huwa kien il-fundatur tal-proża klassiċista Ukrena.[1] Twieled qrib Kharkiv.
| Hryhorii Kvitka-Osnovianenko | |
|---|---|
 | |
| Ħajja | |
| Twelid |
Osnova (en)  , 18 Novembru 1778 (in Julian calendar), 1778 |
| Mewt | Kharkiv, 8 Awwissu 1843 (Julian) |
| Post tad-dfin |
Second City Cemetery (en) |
| Familja | |
| Missier | Fedir Kvitka |
| Aħwa |
uri
|
| Edukazzjoni | |
| Lingwi |
Ukren Russu |
| Okkupazzjoni | |
| Okkupazzjoni |
ġurnalist kittieb drammaturgu prożatur kritiku letterarju |
| Psewdonomu | Основьяненко |
| Moviment artistiku |
ħrafa povest vaudeville (en) rumanz reċta |
Ħajja u xogħol immodifika
Hryhorii Kvitka-Osnovianenko twieled fl-1778 fil-villaġġ ta' Osnova, qrib il-belt ta' Kharkiv, f'familja nobbli Ukrena.[2] Huwa adotta l-psewdonimu "Osnovianenko", b'referenza għall-villaġġ fejn twieled, meta beda l-karriera letterarja tiegħu.[3]
Fl-1812, G. F. Kvitka-Osnovianenko beda l-attivitajiet soċjali tiegħu. Inħatar bħala d-direttur ta' teatru lajk regolari ġdid f'Kharkiv. Kvitka-Osnovianenko baqa' jgħożż it-teatru tul ħajtu kollha. Iktar 'il quddiem, din l-imħabba għat-teatru wasslitu biex jikteb xogħlijiet teatrali wkoll. Fl-1841, huwa kiteb id-dramm teatrali msejjaħ l-"Istorja tat-Teatru ta' Kharkiv".[4]
Kvitka-Osnovianenko kien wieħed mill-iktar proponenti bikrin tal-Ukren bħala lingwa letterarja u beda jippubblika fl-ewwel ġurnali letterarji bl-Ukren li ġew stampati f'Kharkiv fil-bidu tas-seklu 19.[5] Bħall-biċċa l-kbira tal-kontemporanji tiegħu fix-xena letterarja Ukrena, huwa kiteb ukoll bir-Russu.[6] Huwa kkorrisponda b'mod rispettuż ma' Taras Shevchenko, u baqa' aġġornat b'mod kostanti mal-ħajja letterarja. Huwa kien ħbieb ma' Nikolai Gogol, u jista' jkun li l-ispettaklu teatrali ta' Gogol L-Ispettur tal-Gvern kienet ispirata mix-xogħlijiet teatrali satiriċi ta' Kvitka-Osnovianenko Il-Viżitatur mill-Kapitali jew Inkwiet f'Raħal Distrettwali, li għandhom ġrajja u sensiela ta' karattri simili ħafna.[7]
Ix-xogħlijiet tiegħu bil-lingwa Ukrena fil-biċċa l-kbira tagħhom kienu ta' natura satirika u ċajtiera, iżda huwa kiteb ukoll proża iktar serja, bħar-rumanz sentimentali tiegħu Marusia. Huwa beda l-proża klassiċista Ukrena bir-rumanz Marusia. Skont l-istqarrija tiegħu stess dwar ir-rumanz, huwa kitbu "biex juri lil min ma kienx jemmnu li wieħed jista' jikteb xi ħaġa ġentili u li tmisslek qalbek bil-lingwa Ukrena".[8]
Huwa pprova wkoll jikteb bil-ġeneru Gotiku bl-Għid ta' Raġel Mejjet (1834).[9]
Rumanzi storiċi immodifika
Fost ix-xogħlijiet storiċi ta' interess hemm Rendikont Storiku u Statistiku ta' Slobozhanshchina (1838), Fir-Riġmenti ta' Sloboda u Ukreni (1841), kif ukoll Storja tat-Teatru f'Kharkiv (1841).
Fis-snin 30 tas-seklu 19, Kvitka kiteb storja lirika fantastika dwar l-istabbiliment tal-belt ta' Kharkiv f'nofs is-seklu 17 mal-antenat tiegħu Andrei Kvitka. Din l-istorja, ippubblikata fil-ġabra ta' xogħlijiet tiegħu, mhijiex appoġġata minn xi sors partikolari u qatt ma ġiet ikkunsidrata bis-serjetà minn xi storiku.
L-iżjed xogħlijiet famużi immodifika
- «Конотопська відьма» (Is-Saħħar ta' Konotop) (1833)
- «Маруся» (Marusia) (1832)
- «Салдацький патрет» (Ritratt ta' Suldat) (1833)
- «Сватання на Гончарівці» (Il-Korteġġament f'Goncharivka) (1835)
- «Пан Халявський» (Is-Sur Khalyavsky) (1839)
- «Сердешна Оксана» (Oksana Qalbiena) (1841)
- «Козир-дівка» (It-Tfajla) (1838)
- «Ганнуся» (Hannusya) (1839)
- «Шельменко-волосний писар» (L-iskrivan Shelmenko-volost) (1829)
Films immodifika
Dawn il-films huma bbażati fuq ix-xogħlijiet tiegħu:
- Il-Korteġġament f'Goncharivka (1958)
- Shelmenko l-Myrmidon (1910, 1911, 1957)
- Shelmenko l-Myrmidon (1971)
- Is-Saħħar (1990, 2 a; ibbażat fuq l-istorja "Is-Saħħar ta' Konotop")
Dokumentarji dwaru immodifika
- "Hryhorii Kvitka-Osnovianenko" (1979)
- "Kvitka-Osnovianenko" (1988)
Kritika immodifika
Il-kisba letterarja ta' Kvitka-Osnovianenko donnha kienet suġġett polarizzanti għall-kritiċi tal-kultura Ukrena. Minn naħa, bħala wieħed mill-ewwel kittieba popolari li uża l-lingwa Ukrena, huwa jitqies bħala wieħed mill-fundaturi tal-letteratura Ukrena. Min-naħa l-oħra, bosta studjużi Ukreni prominenti, inkluż Ivan Franko, Mykola Zerov, u Dmytro Chyzhevsky, qiesu x-xogħol tiegħu bħala reazzjonarju u konservattiv u kienu xettiċi rigward l-immaġni sentimentali u pastorali li ta tal-Ukrajna u tal-Ukreni.[5]
Referenzi immodifika
- ^ "Ukraine | History, Flag, Population, President, Map, Language, & Facts | Britannica". www.britannica.com (bl-Ingliż). Miġbur 2022-03-24.
- ^ Smoliĭ V. A.; Onoprii︠e︡nko Oksana (2001). Golden book of Ukrainian elite. Kompanii︠a︡ "I︠E︡vroimidz︠h︡". ISBN 978-966-7867-11-9.
- ^ Encyclopædia Britannica. Encyclopædia Britannica. 1973. ISBN 978-0-85229-173-3.
- ^ "Kvitka-Osnovyanenko". kharkov.vbelous.net. Miġbur 2022-03-24.
- ^ a b Shkandrij Myroslav (9 ta' Ottubru 2001). Russia and Ukraine: Literature and the Discourse of Empire from Napoleonic to Postcolonial Times. McGill-Queen's Press - MQUP. p. 126. ISBN 978-0-7735-2234-3.
- ^ Terras Victor (25 July 1990). Handbook of Russian Literature. Yale University Press. p. 241. ISBN 978-0-300-04868-1.
- ^ Terras Victor (25 ta' Lulju 1990). Handbook of Russian Literature. Yale University Press. p. 241. ISBN 978-0-300-04868-1.
- ^ Potichnyj Peter J. (1992). Ukraine and Russia in Their Historical Encounter. CIUS Press. p. 242. ISBN 978-0-920862-84-1.
- ^ Krys Svitlana, Between Comedy and Horror: The Gothic in Hryhorii Kvitka-Osnovianenko’s Dead Man’s Easter (1834). Slavic and East European Journal (SEEJ) 55.3.