Danny Simpson
Daniel Peter "Danny" Simpson (twieled fl-4 ta' Jannar 1987) huwa plejer tal-futbol Ingliż li jilgħab bħala difensur lemini.
 | |||
| Informazzjoni personali | |||
|---|---|---|---|
| Isem sħiħ | Daniel Peter Simpson | ||
| Twelid | 4 ta' Jannar 1987 Salford, Ingilterra | ||
| Tul | 1.75 m | ||
| Rwol | Difensur lemini | ||
| Mixtliet | |||
| 2003–2006 | Manchester United | ||
| Karriera professjonali | |||
| Snin | Klabb | ||
| 2006–2010 | Manchester United | ||
| 2006 | → Royal Antwerp (self) | ||
| 2006–2007 | → Royal Antwerp (self) | ||
| 2007 | → Sunderland (self) | ||
| 2008 | → Ipswich Town (self) | ||
| 2008–2009 | → Blackburn Rovers (self) | ||
| 2009–2010 | → Newcastle United (self) | ||
| 2010–2013 | Newcastle United | ||
| 2013–2014 | Queens Park Rangers | ||
| 2014–2019 | Leicester City | ||
| 2019–2020 | Huddersfield Town | ||
| 2021–2022 | Bristol City | ||
Karriera immodifika
Manchester United immodifika
Imwieled f'Salford, Greater Manchester, Simpson lagħab għal Parkwydnn JFC f'Eccles bħala żagħżugħ qabel ma ngħaqad ma' Manchester United. Simpson iddebutta mat-tim tal-kbar tal-United, f'logħba ta' ħbiberija kontra t-tim mill-Afrika t'Isfel Kaizer Chiefs, fit-18 ta' Lulju 2006, partita li r-Reds rebħuha 1–0.[1] Simpson qatta' l-ewwel nofs tal-istaġun 2006–07 taħt self mal-klabb Olandiż ta' Royal Antwerp u rritorna lejn Manchester United f'Jannar tal-2007. Suċċessivament, flimkien ma' sieħbu Jonny Evans, Simpson ġie msellef lill-klabb ta' Sunderland.[2]
Simpson iffirma kuntratt ġdid ma' Manchester United f'Settembru tal-2007 li se jżommu mal-klabb sal-2010.[3] Id-debutt kompetittiv tiegħu għal United wasal fis-26 ta' Settembru 2007 fit-telfa ta' 2–0 kontra Coventry City fil-Carling Cup,[4] waqt li nhar is-6 ta' Ottubru 2007 wasal id-debutt fil-kampjonat Ingliż meta daħal fit-30 minuta għall-imweġġa' John O'Shea kontra Wigan Athletic. Kien hu li qassam għall-gowl ta' Wayne Rooney, li ssiġilla r-rebħa ta' 4–0.[5] Fl-Ewropa, l-ewwel dehra tiegħu waslet fit-23 ta' Ottubru 2007, meta daħal bħala sostitut fit-80 minuta għal Ryan Giggs kontra Dynamo Kyiv.[6]
Nhar il-21 ta' Marzu 2008, Simpson iffirma qbil ta' self ma' Ipswich Town. B'Gary Neville qrib li jirritorna lura fl-iskwadra, il-kowċ ta' United Alex Ferguson iddeċieda li kien fl-aħjar ta' Simpson li jikseb aktar opportunitajiet mal-ewwel tim, xi ħaġa aktarx diffiċli f'Old Trafford b'Gary Neville u Wes Brown quddiem Simpson fl-għażla tal-iskwadra.[7]
Fl-4 ta' Awwissu 2008, Simpson ingħaqad ma' Blackburn Rovers għal perjodu ta' sena taħt self.[8] Simpson lagħab l-ewwel logħba tiegħu ma' Blackburn fis-27 ta' Awwissu 2008, fit-Tieni Rawnd tal-League Cup kontra Grimsby Town.[9] Id-debutt tiegħu fil-Premier League wasal tliet ġimgħat wara, fit-13 ta' Settembru 2008, fit-telfa ġewwa darhom ta' 4–0 kontra Arsenal.[10]
Newcastle United immodifika
Fl-14 ta' Awwissu 2009, Simpson ingħaqad ma' Newcastle United fuq bażi ta' self sa Jannar tal-2010. L-ewwel logħba tiegħu kienet ir-rebħa ta' 1–0 fuq Sheffield Wednesday, u skorja l-ewwel gowl tiegħu kontra Peterborough United fis-7 ta' Novembru 2009. Wara l-perjodu ta' self kien għadda, Newcastle United għamlu offerta sabiex iżommu lil Simpson fuq bażi permanenti. Somma mhux magħrufa, b'rapporti jgħidu li hi madwar £750,000, ġiet maqbula bejn iż-żewġ naħat u Simpson iffirma kuntratt ta' tliet snin u nofs fl-20 ta' Jannar 2010.[11]
Hu kien figura importanti fil-promozzjoni ta' Newcastle lura għall-Premier League. Lejn tmiem l-istaġun weġġa' l-għaksa u kellu jitlef l-ewwel xahar tal-istaġun il-ġdid.[12] Hu rritorna fir-rebħa ta' 2–1 kontra West Ham United, fejn ħa post James Perch fid-difiża. Il-prestazzjonijiet konvinċenti tiegħu wassluh biex ikompli jżomm postu fl-iskwadra.
Fi tmiem l-istaġun 2012–13, hu ġie rilaxxat minn Newcastle United.
Queens Park Rangers immodifika
Wara li tħalla jitlaq minn Newcastle United, Simpson iffirma kuntratt ta' tliet snin ma' Queens Park Rangers.[13]
Unuri immodifika
Klabb immodifika
- Sunderland
- Football League Championship: 2006–07
- Newcastle United
- Football League Championship: 2009–10
Referenzi immodifika
- ^ "Kaizer Chiefs 0-1 Man Utd" (bl-Ingliż). BBC Sport. 2006-07-18. Miġbur 2008-11-10.
- ^ "Sunderland sign Simpson on loan" (bl-Ingliż). BBC Sport. 2007-01-25. Miġbur 2008-11-10.
- ^ "Man Utd hand new deal to Simpson" (bl-Ingliż). BBC Sport. 2007-09-05. Miġbur 2008-11-10.
- ^ "Man Utd 0-2 Coventry" (bl-Ingliż). BBC Sport. 2007-09-26. Miġbur 2008-11-10.
- ^ Sinnott, John (2007-10-06). "Man Utd 4-0 Wigan" (bl-Ingliż). BBC Sport. Miġbur 2007-10-06.
- ^ Saj Chowdhury (2007-10-23). "Dynamo Kiev 2-4 Man Utd" (bl-Ingliż). BBC Sport. Miġbur 2008-11-10.
- ^ Bostock, Adam (2008-03-21). "Simpson goes on loan" (bl-Ingliż). Manchester United FC. Miġbur 2008-03-21.
- ^ Bartram, Steve (2008-09-04). "Simmo joins Rovers on loan" (bl-Ingliż). Manchester United FC. Miġbur 2008-09-04.
- ^ "Blackburn 4-1 Grimsby" (bl-Ingliż). BBC Sport. 2008-08-27. Miġbur 2008-08-27.
- ^ Lyon, Sam (2008-09-13). "Blackburn 0-4 Arsenal" (bl-Ingliż). BBC Sport. Miġbur 2008-09-13.
- ^ "Newcastle sign Manchester United defender Danny Simpson" (bl-Ingliż). BBC Sport. 2010-01-20. Miġbur 2010-01-21.
- ^ Douglas, Mark (2010-06-24). "Danny Simpson reveals his full injury blow" (bl-Ingliż). Chronicle Live. Miġbur 2010-06-24.
- ^ "Exclusive: Simpson signs" (bl-Ingliż). QPR. 2013-06-27. Miġbur 2013-06-27.
Ħoloq esterni immodifika
| Wikimedia Commons għandha fajls multimedjali li għandhom x'jaqsmu ma': Danny Simpson (Danny Simpson) |
- Danny Simpson fuq Soccerbase
