Wikipedija:Amministraturi/Kandidati

Il-paġna tat-talba għall-amministrazzjoni hija wżata għall-proċess fejn il-komunità tal-Wikipedija tiddeċiedi min se jsir amministratur, li huma utenti li għandhom aċċess għal għodda tekniċi addizjonali li jgħinu fil-manutenzjoni tal-wiki. L-utenti jistgħu jinnominaw lilhom infushom jew lil xi ħadd ieħor.

Linji gwida immodifika

Il-komunità tagħti l-pożizzjoni ta' amministratur lil utenti ta' fiduċja, u għalhekk dawk nominati għandhom ikunu ilhom biżżejjed fuq il-Wikipedija sabiex l-utenti jkunu jistgħu jagħmlu deċiżjoni jekk dawn l-utenti humiex ta' min jafdahom. L-amministraturi għandhom ikunu ddixxiplinati minħabba li utenti oħra ħafna drabi jduru lejhom għall-għajnuna u pariri.

Standards għan-nominazzjoni
M'hemm l-ebda prerekwiżiti sabiex isir amministratur, minbarra li jkollok kont u livell ta' fiduċja mill-utenti l-oħrajn. Il-komunità tħares lejn varjetà ta' fattizzi tal-kandidat, u kulħadd għandu l-opinjoni tiegħu dwar dan.
Nominazzjoni
Sabiex tinnomina lilek innifsek jew lil xi utent ieħor għall-amministrazzjoni, ieqaf u xtarr jekk in-nomina tiegħek hijiex fattibli u ikkunsidra l-kontribuzzjonijiet tiegħek lejn il-Wikipedija u kif l-oħrajn jarawhom. Jekk tixtieq tinnomina lil xi ħadd ieħor, iċċekkja magħhom qabel ma tiftaħ il-paġna ta' nominazzjoni. In-nominazzjonijiet jistgħu jiġu miżjuda biss mill-kandidat jew wara li l-kandidat iffirma l-aċċettazzjoni tan-nomina tiegħu.
Diskussjoni u deċiżjoni
In-nominazzjonijiet jibqgħu miftuħin għal minimu ta' sebat ijiem mill-ġurnata li n-nominazzjoni titniżżel fuq din il-paġna, fejn l-utenti jkunu jistgħu jagħtu l-opinjonijiet tagħhom, jistaqsu mistoqsijiet u jħallu kummenti. Fi tmiem il-perjodu ta' diskussjoni, burokrata jevalwa d-diskussjoni sabiex jara jekk intlaħaqx kunsens għall-promozzjoni.
Il-kunsens f'nominazzjoni ma jiġix determinat skont numru partikolari, iżda bil-persentaġġ ta' voti favoreli miksuba. Bħala regola, dawk in-nomini li jirċievu 80% ta' approvazzjoni jgħaddu. Il-burokrati biss għandhom l-awtorità li jagħlqu nominazzjonijiet ta' suċċess. Huma jistgħu wkoll jagħlqu nominazzjonijiet qabel iż-żmien jekk il-promozzjoni ftit li xejn tista' sseħħ u ma jarawx il-bżonn li jħallu l-applikazzjoni miftuħa.
Jekk in-nominazzjoni tiegħek ma tgħaddix, stenna perjodu raġjonevoli qabel terġa' tinnomina lilek innifsek jew taċċeta nominazzjoni oħra. Il-biċċa l-kbira tal-utenti jippreferu jistennew xhur qabel ma jerġgħu japplikaw.
Espressjoni tal-opinjonijiet
Filwaqt li kull Wikipedjan huwa mistieden li jikkummenta fis-sezzjoni Favur, Kontra jew Newtrali, dawk l-edituri li għandhom kont biss jistgħu "jivvutaw". Il-kandidat jista' jirrispondi għall-kummenti ta' oħrajn. Ċerti kummenti jistgħu ma jingħaddux minħabba suspetti ta' frodi: dawn jistgħu jkunu kontribuzzjonijiet ta' edituri ġodda ħafna jew sockpuppets. Ikun aħjar li tagħti raġuni wara d-deċiżjoni finali tiegħek, u l-kontribut tiegħek (kemm pożittiv u anke negattiv) ikun aktar rispettat jekk issaħħu bl-evidenza.
Kun dejjem ta' rispett lejn l-oħrajn fil-kummenti tiegħek. Kritika kostruttiva hija utli għall-kandidati sabiex ikun jista' jagħmel l-aġġustamenti neċessarji għal nominazzjonijiet futuri.

Nominazzjoni immodifika

Sabiex tinnomina lilek jew lil xi utent ieħor għal amministratur, segwi dawn il-passi:

  1. Fil-formola t'hawn taħt biddel ISEM TAL-UTENT għall-isem tal-utent tiegħek (kun żġur li ktibtu tajjeb).
  2. Jekk din mhux l-ewwel nomina tiegħek, żied spazju wara l-isem tal-utent bin-numru li jikkorispondi man-numru ta' talbiet għall-amministrazzjoni li għamilt. Jekk din hija t-tieni darba li qiegħed tagħmilha, għamel spazju 2. Jekk din hija t-tielet, spazju 3 eċċ.
  3. Meta tmur fil-paġna ta' wara, editja l-paġna u segwi l-istruzzjonijiet t'hemmhekk.
  4. Salva l-paġna.
  5. Immodifika l-paġna mill-ġdid, u ħassar il-linja tal-konferma. Irrispondi l-mistoqsijiet, li għalkemm mhumiex ta' bilfors, huwa nkorraġġut li tirrispondihom.
  6. Ikkopja l-kodiċi: {{Wikipedija:Amministraturi/Kandidati/ISEM TAL-UTENT}}
  7. Mur fil-paġna segwenti: Editja din il-paġna, żid il-kodiċi t'hawn fuq fejn indikat

Rikjesti attwali immodifika

Arkivju tar-rikjesti immodifika

Utent Riżultat   Favur   Kontra   Newtrali Voti
espressi
Persentaġġ
favur
2005
Roderick Mallia   aċċettat (votazzjoni) 2 0 0 2 100%
2008
Chrisportelli   rifjutat (votazzjoni) 1 2 0 3 33.3%
Borgdylan   rifjutat (votazzjoni) 0 3 0 3 0%
Chrisportelli   aċċettat (votazzjoni) 3 0 0 3 100%
2012
Leli Forte   aċċettat (votazzjoni) 3 0 0 3 100%
2020
ToniSant   aċċettat (votazzjoni) 6 0 0 6 100%
Nevborg   aċċettat (votazzjoni) 5 0 0 5 100%
2021
Pichemist   rifjutat (votazzjoni) 0 1 0 0 0%
Noti
  1. Srl ġie mogħti dan l-istatus wara rikjesta li kien għamel lill-istwetti sabiex isir l-ewwel amministratur tal-Wikipedija Maltija.
  2. Joelemaltais kien mogħti dan l-istatus bi qbil bejn iż-żewġ amministraturi diġà eżistenti dak iż-żmien, Srl u Roderick Mallia, wara li kien hemm ħtieġa ta' xi ħadd li jieħu ħsieb il-Wikipedija fl-assenza ta' Srl. Dak iż-żmien ma kienx hemm biżżejjed utenti attivi biex issir votazzjoni formali.