Wikipedija

Tazza tad-Dinja tal-Futbol 1934

It-Tazza tad-Dinja tal-Futbol 1934 kienet it-tieni edizzjoni tat-Tazza tad-Dinja, il-kampjonat internazzjonali organizzat mill-FIFA. Din saret fl-Italja bejn is-27 ta' Mejju u l-10 ta' Ġunju 1934.

Tazza tad-Dinja tal-Futbol 1934
Campionato Mondiale di Calcio

Kartellun uffiċjali
Dettalji tal-kompetizzjoni
Pajjiż ospitanti  Italja
Dati 27 ta' Mejju – 10 ta' Ġunju
Parteċipanti 16 (minn 4 konfederazzjonijiet)
Grawnds 8 (f'8 ibliet ospitanti)
Pożizzjonijiet finali
Rebbieħ  Italja
It-Tieni post  Ċekoslovakkja
It-Tielet post  Ġermanja
Ir-Raba' post  Awstrija
Statistika tal-kompetizzjoni
Partiti 17
Gowls skorjati 70 (4.12 kull logħba)
Attendenza 363,000 (21,353 kull logħba)
L-aqwa skorer(s) Ċekoslovakkja Oldřich Nejedlý (5 gowls)
← 1930
1938 →

Din l-edizzjoni kienet l-ewwel darba fejn it-timijiet kellhom jikkwalifikaw biex jieħdu sehem. 31 pajjiż daħlu għal din il-kompetizzjoni, u wara l-kwalifikazzjoni, 16-il tim ipparteċipa fil-fażi finali. Iċ-ċampjins renjanti, l-Urugwaj, irrifjutaw li jieħdu sehem minħabba l-fatt li erba' timijiet Ewropej biss kienu aċċettaw li jipparteċipaw fil-kampjonat tal-1930.[1] L-Italja saret it-tieni ċampjin tat-Tazza tad-Dinja u l-ewwel Ewropew li rebaħha, wara li għelbet liċ-Ċekoslovakkja 2–1 fil-finali.

L-għażla tal-pajjiż ospitanti immodifika

Wara proċess twil ta' teħid ta' deċiżjoni fejn il-kumitat eżekuttiv tal-FIFA iltaqa' tmien darbiet,[2] l-Italja ġiet magħżula bħala l-pajjiż ospitanti f'laqgħa fi Stokkolma fid-9 ta' Ottubru 1932.[3] Id-deċiżjoni ttieħdet mill-kumitat eżekuttiv mingħajr votazzjoni.[3] Il-kandidatura Taljana ġiet magħżula fuq dik Żvediża,[4] bil-gvern Taljan jalloka baġit ta' 3.5 miljun Lira għall-kompetizzjoni.[5]

Kwalifikazzjoni u parteċipanti immodifika

36 pajjiż applikaw sabiex jieħdu sehem fil-kompetizzjoni, u b'hekk kienu neċessarji logħbiet ta' kwalifikazzjoni sabiex inaqqsu dan in-numru għal 16. Fost dawn kien hemm nieqsa l-Urugwaj, li rrifjutaw li jieħdu sehem bi protesta għall-fatt li diversi pajjiżi Ewropej naqsu li jmorru l-Amerika t'Isfel għall-edizzjoni preċedenti tat-Tazza tad-Dinja li l-Urugwaj ospitat fl-1930.[6] Għalhekk, it-Tazza tad-Dinja tal-1934 hi l-unika waħda fl-istorja fejn iċ-ċampjin renjanti ma ħax sehem. Il-Home Nations Brittaniċi wkoll irrifjutaw li jipparteċipaw, fi żmien ta' eżilju impost minnhom infushom fuq il-FIFA.

Minkejja r-rowl tagħhom bħala l-pajjiż ospitanti, l-Italja kellha xorta waħda tidħol fil-fażi ta' kwalifika, b'din id-darba tkun l-ewwel u l-unika darba li l-ospitu tal-kompetizzjoni ma ngħatax kwalifikazzjoni awtomatika.[3] Il-logħbiet ta' kwalifikazzjoni ġiew maqsuma skont fatturi ġeografiċi. L-irtirar kmieni taċ-Ċili u l-Perù fisser li l-Arġentina u l-Brażil ikkwalifikaw mingħajr ma lagħbu logħba waħda.[7]

Tnax mis-sittax-il post ġew allokati lill-Ewropa, tlieta lill-kontinent Amerikan, u wieħed lill-Afrika u l-Asja. Kienu biss għaxra mit-32 pajjiż, u erbgħa mis-sittax-il tim kwalifikat kienu barra mill-Ewropa. L-Eġittu sar l-ewwel tim Afrikan li kkwalifika għall-fażi finali tat-Tazza tad-Dinja. L-aħħar logħba ta' kwalifikazzjoni kienet bejn l-Istati Uniti u l-Messiku u din saret tliet ijiem biss 'il bogħod mill-bidu tal-kampjonat f'logħba milgħuba fil-kapitali Ruma, li l-Istati Uniti rebħu.[8]

Is-sittax-il tim li kkwalifikaw għall-fażi finali kienu:

Il-kompetizzjoni immodifika

 
Il-gowl tar-rebħa fil-finali ta' Angelo Schiavio li għeleb lill-gowler František Plánička fil-ħin barrani
 
L-Italja tiċċelebra l-ewwel titlu tat-Tazza tad-Dinja

Il-fażi tal-gruppi li ġiet użata fl-ewwel edizzjoni ġiet imwarrba u minflok intlagħab kampjonat b'eliminazzjoni diretta. Jekk logħba baqgħet indaqs wara disgħin minuta, tletin minuta ta' ħin barrani kien jintlagħab. Jekk ir-riżultat kien jispiċċa fi dro, il-partita terġa' tintlagħab fil-ġurnata ta' wara.

L-ewwel tmien logħbiet tal-ewwel rawnd intlagħabu fl-istess ħin.[9] L-Italja, li kienet magħmula fil-maġġoranza mill-plejers ta' Juventus,[10] bdiet b'rebħa konviċenti ta' 7–1 fuq l-Istati Uniti. Diżgwit intern fost l-iskwadra Arġentina fisser li għal dan il-kampjonat ma kien hemm l-ebda membru li wasal sal-finali tal-1930. Kontra l-Iżvezja, l-Arġentina marru fil-vantaġġ darbtejn, però żewġ gowls ta' Sven Jonasson u gowl ta' Knut Kroon taw l-Iżvezja rebħa ta' 3–2. Il-ġirien Sud-Amerikani tal-Brażil ukoll sofra minn eliminazzjoni bikrija hekk kif Spanja rebħitilhom bi skor konvinċenti ta' 3–1.

Għall-unika darba fl-istorja tat-Tazza tad-Dinja, l-aħħar tmien timijiet kienu kollha Ewropej. Fil-kwarti tal-finali, wara li l-ewwel konfront bejn l-Italja u Spanja spiċċa fi dro ta' 1–1, il-logħba kellha terġa' tintlagħab fil-ġurnata ta' wara b'diversi plejers mibdula miż-żewġ timijiet kawża ta' għeja u problemi fiżiċi. Ricardo Zamora għal Spanja kellu jaqbeż it-tieni logħba wara li weġġa' fl-ewwel waħda, u fuq in-naħa l-oħra, Mario Pizziolo lagħab l-aħħar logħba tiegħu mat-tim nazzjonali wara li f'intervent kiser saqajh.[11] Il-logħba, deskritta mill-kronaka ta' dak iż-żmien bħala waħda diffiċli u vjolenti, ra lill-Italja toħroġ rebbieħa 1–0, fost il-protesti tal-Ispanjoli għal gowl imħassar.

Fis-semifinali l-Italja ltaqgħet mal-Awstrija, li kienet għadha kemm ġejja minn konfront kontra l-Ungerija li l-kowċ Awstrijakk Hugo Meisl iddeskriva bħala "ġlieda, mhux logħba futbol". L-Italja rebħet għal darb'oħra bi skor ta' 1–0, b'gowl kontroversjali ta' Enrique Guaita. Fis-semifinali l-oħra ċ-Ċekoslovakkja assigurat postha fil-finali b'rebħa ta' 3–1 kontra l-Ġermanja. Fil-finali bejn l-Italja u ċ-Ċekoslovakkja, li ntlagħbet fi Stadio del Partito Nazionale Fascista, it-Taljani ħarġu rebbieħa b'riżultat ta' 2–1 wara l-ħin barrani. Iċ-Ċekoslovakki marru fil-vantaġġ b'gowl ta' Antonín Puč b'għoxrin minuta 'l bogħod mit-tisfira finali. Madanakollu, l-Italja sabu x-xibka fit-80 minuta b'gowl ta' Raimundo Orsi. Il-logħba marret għall-ħin supplementari u t-Taljani sabu l-gowl tar-rebħa minn Angelo Schiavio, sabiex ġew inkurunati ċampjins tad-dinja.

Riżultati immodifika

L-ewwel rawnd Kwarti tal-finali Semifinali Finali
                           
27 ta' Mejju – Ruma            
   Italja  7
31 ta' Mejju u 1 ta' Ġunju – Firenze
   Stati Uniti  1  
   Italja  1 (1)
27 ta' Mejju – Genoa
     Spanja  1 (0)  
   Spanja  3
3 ta' Ġunju – Milan
   Brażil  1  
   Italja  1
27 ta' Mejju – Turin
     Awstrija  0  
   Awstrija (ħ.s.)  3
31 ta' Mejju – Bolonja
   Franza  2  
   Awstrija  2
27 ta' Mejju – Napli
     Ungerija  1  
   Ungerija  4
10 ta' Ġunju – Ruma
   Eġittu  2  
   Italja (ħ.s.)  2
27 ta' Mejju – Trieste
     Ċekoslovakkja  1
   Ċekoslovakkja  2
31 ta' Mejju – Turin
   Rumanija  1  
   Ċekoslovakkja  3
27 ta' Mejju – Milan
     Żvizzera  2  
   Żvizzera  3
3 ta' Ġunju – Ruma
   Netherlands  2  
   Ċekoslovakkja  3
27 ta' Mejju – Firenza
     Ġermanja  1   Logħba għat-tielet post
   Ġermanja  5
31 ta' Mejju – Milan 7 ta' Ġunju – Napli
   Belġju  2  
   Ġermanja  2    Ġermanja  3
27 ta' Mejju – Bolonja
     Żvezja  1      Awstrija  2
   Żvezja  3
   Arġentina  2  

L-ewwel rawnd immodifika

27 ta' Mejju 1934
16:30 (UTC+2)
 Spanja   3–1   Brażil Stadio Luigi Ferraris, Genoa
Attendenza: 21,000
Referi:   Alfred Birlem
Iraragorri   18' (pen.), 25'
Lángara   29' 		Rapport Leônidas   55'
27 ta' Mejju 1934
16:30 (UTC+2)
 Ungerija   4–2   Eġittu Stadio Giorgio Ascarelli, Napli
Attendenza: 9,000
Referi:   Rinaldo Barlassina
Teleki   11'
Toldi   27', 61'
Vincze   53' 		Rapport Fawzi   31', 39'
27 ta' Mejju 1934
16:30 (UTC+2)
 Żvizzera   3–2   Netherlands Stadio San Siro, Milan
Attendenza: 33,000
Referi:   Ivan Eklind
Kielholz   7', 43'
Abegglen   66' 		Rapport Smit   29'
Vente   69'
27 ta' Mejju 1934
16:30 (UTC+2)
 Italja   7–1   Stati Uniti Stadio Nazionale del PNF, Ruma
Attendenza: 25,000
Referi:   René Mercet
Schiavio   18', 29', 64'
Orsi   20', 69'
Ferrari   63'
Meazza   90' 		Rapport Donelli   57'
27 ta' Mejju 1934
16:30 (UTC+2)
 Ċekoslovakkja   2–1   Rumanija Stadio Littorio, Trieste
Attendenza: 9,000
Referi:   John Langenus
Puč   50'
Nejedlý   67' 		Rapport Dobay   11'
27 ta' Mejju 1934
16:30 (UTC+2)
 Żvezja   3–2   Arġentina Stadio Littoriale, Bolonja
Attendenza: 14,000
Referi:   Eugen Braun
Jonasson   9', 67'
Kroon   79' 		Rapport Belis   4'
Galateo   48'
27 ta' Mejju 1934
16:30 (UTC+2)
 Awstrija   3–2 (ħ.s.)   Franza Stadio Benito Mussolini, Turin
Attendenza: 16,000
Referi:   Johannes van Moorsel
Sindelar   44'
Schall   93'
Bican   109' 		Rapport Nicolas   18'
Verriest   116' (pen.)
27 ta' Mejju 1934
16:30 (UTC+2)
 Ġermanja   5–2   Belġju Stadio Giovanni Berta, Firenze
Attendenza: 8,000
Referi:   Francesco Mattea
Kobierski   25'
Siffling   49'
Conen   66', 70', 87' 		Rapport Voorhoof   29', 43'

Kwarti tal-finali immodifika

31 ta' Mejju 1934
16:30 (UTC+2)
 Awstrija   2–1   Ungerija Stadio Littoriale, Bolonja
Attendenza: 23,000
Referi:   Francesco Mattea
Horvath   8'
Zischek   51' 		Rapport Sárosi   60' (pen.)
31 ta' Mejju 1934
16:30 (UTC+2)
 Italja   1–1 (ħ.s.)   Spanja Stadio Giovanni Berta, Firenze
Attendenza: 35,000
Referi:   Louis Baert
Ferrari   44' Rapport Regueiro   30'
31 ta' Mejju 1934
16:30 (UTC+2)
 Ġermanja   2–1   Żvezja Stadio San Siro, Milan
Attendenza: 3,000
Referi:   Rinaldo Barlassina
Hohmann   60', 63' Rapport Dunker   82'
31 ta' Mejju 1934
16:30 (UTC+2)
 Ċekoslovakkja   3–2   Żvizzera Stadio Benito Mussolini, Turin
Attendenza: 12,000
Referi:   Alois Beranek
Svoboda   24'
Sobotka   49'
Nejedlý   82' 		Rapport Kielholz   18'
Jäggi   78'
Ripetizzjoni
1 ta' Ġunju 1934
16:30 (UTC+2)
 Italja   1–0   Spanja Stadio Giovanni Berta, Firenze
Attendenza: 43,000
Referi:   René Mercet
Meazza   11' Rapport

Semifinali immodifika

3 ta' Ġunju 1934
16:30 (UTC+2)
 Italja   1–0   Awstrija Stadio San Siro, Milan
Attendenza: 35,000
Referi:   Ivan Eklind
Guaita   19' Rapport
3 ta' Ġunju 1934
16:30 (UTC+2)
 Ċekoslovakkja   3–1   Ġermanja Stadio Nazionale del PNF, Ruma
Attendenza: 15,000
Referi:   Rinaldo Barlassina
Nejedlý   21', 69', 80' Rapport Noack   62'

Finali għat-tielet post immodifika

7 ta' Ġunju 1934
18:00 (UTC+2)
 Ġermanja   3–2   Awstrija Stadio Giorgio Ascarelli, Napli
Attendenza: 7,000
Referi:   Albino Carraro
Lehner   1', 42'
Conen   27' 		Rapport Horvath   28'
Sesta   54'

Finali immodifika

10 ta' Ġunju 1934
17:30 (UTC+2)
 Italja   2–1 (ħ.s.)   Ċekoslovakkja Stadio Nazionale del PNF, Ruma
Attendenza: 55,000
Referi:   Ivan Eklind
Orsi   81'
Schiavio   95' 		Rapport Puč   71'

L-aqwa skorers immodifika

5 gowls
4 gowls
3 gowls
2 gowls

gowl

Biblijografija immodifika

  • Hunt, Chris (2006). World Cup Stories: The history of the FIFA World Cup (bl-Ingliż). Ware: Interact. ISBN 978-0-9549819-2-1.
  • Freddi, Cris (2006). Complete Book of the World Cup 2006 (bl-Ingliż). Londra: HarperCollins. ISBN 0-00-722916-X.
  • Crouch, Terry (2002). The World Cup: The Complete History (bl-Ingliż). Londra: Aurum. ISBN 978-1-85410-843-2.

Referenzi immodifika

  1. ^ Hart, Jim (2016-07-27). "When the World Cup rolled into fascist Italy in 1934" (bl-Ingliż). These Football Times.
  2. ^ Freddi, pġ. 15
  3. ^ a b ċ Hunt, pġ. 23
  4. ^ "History of FIFA – The first FIFA World Cup" (bl-Ingliż). FIFA.
  5. ^ David Goldblatt (2007). The Ball is Round: A Global History of Football (bl-Ingliż). Londra: Penguin. p. 255. ISBN 978-0-14-101582-8.
  6. ^ Crouch, pġ. 16
  7. ^ Crouch, pġ. 14
  8. ^ Brewin, John; Williamson, Martin (2014-04-30). "World Cup 1934" (bl-Ingliż). ESPN.
  9. ^ Hunt, pġ. 26
  10. ^ Curino, Luca (2009-09-02). "Una Ital-Juve da record A ottobre in 9 con Amauri" (bit-Taljan). La Gazzetta dello Sport.
  11. ^ Baker, William Joseph (1988). Sports in the Western World (bl-Ingliż). Champaign: University of Illinois Press. p. 248. ISBN 978-0-252-06042-7.

Ħoloq esterni immodifika

Miksub minn "https://mt.wikipedia.org/w/index.php?title=Tazza_tad-Dinja_tal-Futbol_1934&oldid=280328"