Silvio Appiani
Silvio Appiani (twieled fil-5 ta' April 1894 – miet fl-20 ta' Ottubru 1915) kien militant, plejer u kowċ tal-futbol Taljan.
| Informazzjoni personali | |||
|---|---|---|---|
| Isem sħiħ | Silvio Appiani | ||
| Twelid | 5 ta' April 1894 Padova, Italja | ||
| Mewt | 20 ta' Ottubru 1915 (21 sena) Kras | ||
| Rwol | Attakkant | ||
| Karriera professjonali | |||
| Snin | Klabb | ||
| 1913–1915 | Padova | ||
| Timijiet ikkowċjati | |||
| 1913–1914 | Padova | ||
Karriera immodifika
Silvio Appiani kien attakkant tat-tim ta' Padova fil-bidu tas-seklu 20. Iddebutta mal-Padovani nhar l-4 ta' Mejju, 1913, fil-Promozione. Fl-istaġun 1913–14 lagħab żewġ logħbiet, kontra Petrarca u Udinese.[1] Fl-1914, il-Padova rebħu l-Kampjonat tal-Promozione ta' Veneto-Emiliano u ngħaqdu mal-Prima Categoria tal-Italja ta' Fuq li ntemmet fir-raba' post wara Vicenza, Hellas Verona u Venezia. Appiani kien it-tmun tat-tim hekk kif irnexxielu jiskorja tmintax-il gowl f'erbatax-il logħba. Fl-1915, mal-Padova rebaħ it-Tazza Veneta. Fl-istaġun 1913–14 ħa r-rwol ta' kowċ flimkien ma' Guido Festa u Mario Pedrina.
Mewt immodifika
Fl-1915, l-Italja daħlet fil-gwerra. F'dik l-istess sena Silvio Appiani, li kien għadu kif iggradwa fil-farmaċewtika, daħal bħala volontarju fl-armata. Hu rrifjuta li jingħaqad mal-Corpo della Sanità Militare, u talab li jiġġieled fil-fanterija, u ddaħħal mal-139 reġiment f'Bosco Lancia, fejn fuq il-Kars miet nhar l-20 ta' Ottubru, 1915, kawża ta' bumbardament Awstrijak, f'età tenera ta' 21 sena.
Illum il-ġurnata, il-grawnd tal-klabb ta' Padova iġib l-isem ta' dan l-istess plejer.
Referenzi immodifika
- ^ "1ª Stagione" (bit-Taljan). Miġbur 2008-10-24.