Massimo Oddo
Massimo Oddo (twieled fl-14 ta' Ġunju 1976) huwa kowċ u eks-plejer tal-futbol Taljan li kien jilgħab fl-irwol ta' difensur lemini. Mat-tim nazzjonali hu rnexxielu jirbaħ it-Tazza tad-Dinja.
 | |||
| Informazzjoni personali | |||
|---|---|---|---|
| Isem sħiħ | Massimo Oddo | ||
| Twelid | 14 ta' Ġunju 1976 Città Sant'Angelo, Italja | ||
| Tul | 1.82 m | ||
| Rwol | Difensur lemini | ||
| Mixtliet | |||
| 1992–1993 | Renato Curi Angolana | ||
| 1993–1995 | Milan | ||
| Karriera professjonali | |||
| Snin | Klabb | ||
| 1995–1999 | Milan | ||
| 1995–1996 | → Fiorenzuola (self) | ||
| 1996 | → Monza (self) | ||
| 1996–1997 | → Prato (self) | ||
| 1997–1998 | → Lecco (self) | ||
| 1998–1999 | → Monza (self) | ||
| 1999–2000 | Napoli | ||
| 2000–2002 | Verona | ||
| 2002–2007 | Lazio | ||
| 2007–2012 | Milan | ||
| 2008–2009 | → Bayern Munich (self) | ||
| 2011–2012 | → Lecce (self) | ||
| Tim nazzjonali | |||
| 2002–2008 | Italja | ||
Karriera immodifika
Klabb immodifika
Massimo Oddo beda l-futbol professjonali mat-tim tas-Serie C1 Fiorenzuola, biex fis-snin ta' wara, dejjem fl-istess serje, lagħab ma' Monza, Prato u Lecco.
Id-debutt fis-Serie B wasal flimkien mat-tim ta' Monza, u ma' Verona lagħab l-ewwel żewġ kampjonati fis-Serie A. Wara ngħaqad mal-Lazio u hemmhekk hu sar kaptan tal-iskwadra u kien f'dan iż-żmien li ntgħażel għall-ewwel darba mat-tim nazzjonali tal-Italja fil-partita kontra s-Slovenja li kienet spiċċat f'telfa ta' 1–0 għat-Taljani.
F'Jannar tal-2007 ġie akkwistat mill-Milan għas-somma ta' €7.75 miljun flimkien mat-trasferiment permanenti ta' Pasquale Foggia li kien diġà jinsab f'self mat-tim Lazjali. L-ewwel logħba mar-Rossoneri wasal kontra t-tim ta' Parma fit-28 ta' Jannar 2007 fir-rebħa ta' 1–0, u skorja l-ewwel gowl mat-tim kontra Chievo fir-rebħa ta' 3–1. Oddo kien parti mit-tim Minalista li rebaħ ċ-Champions League f'rebħa ta' 2–1 fuq Liverpool, u kif ukoll is-Supercup Ewropea tat-tim f'Awwissu meta rebħu lit-tim ta' Sevilla.
Nhar it-28 ta' Awwissu 2008, Oddo ġie msellef għal sena lit-tim tal-Bundesliga Bayern Munich b'għażla li jiġi mixtri b'mod definittiv fl-aħħar tal-istaġun, għażla li ma ttieħditx mill-klabb Bavarjan.
Internazzjonali immodifika
Oddo għamel id-debutt tiegħu mat-tim nazzjonali Taljan fl-2002. Hu beda mal-ewwel ħdax fl-ewwel seba' partiti tal-logħob ta' kwalifika għall-Kampjonati Ewropej 2004. Matul il-kompetizzjoni fil-Portugall, huwa daħal bħala sostitut f'partita waħda kontra l-Bulgarija, u assista l-gowl li għen lill-Italja biex jirbħu l-logħba. Oddo kien parti mit-tim rebbieħ tat-Tazza tad-Dinja 2006. Huwa lagħab biss 23 minuta mill-partita kontra l-Ukrajna.
Oddo skorja l-ewwel gowl internazzjonali għall-Italja minn penalty fil-partita ta' kwalifikazzjoni għall-Kampjonati Ewropej 2008 fis-7 ta' Ottubru 2006 kontra l-Ukrajna.
Unuri immodifika
Klabb immodifika
- Lazio
- Coppa Italia: 2003–04
- Milan
- UEFA Champions League: 2006–07
- Supercup Ewropea: 2007
- Tazza tad-Dinja għall-Klabbs: 2007
Nazzjonal immodifika
- Tazza tad-Dinja: 2006
Ħoloq esterni immodifika
- Massimo Oddo fuq National-Football-Teams.com
- Massimo Oddo – rekord kompetittiv tal-FIFA (arkivjat)
