François Couperin: Differenza bejn il-verżjonijiet

 

=== Orgni ===

Kollezzjoni waħda biss ta' mużika bl-orgni għadha teżisti ta' Couperin, il-''Pièces d'orgue consistantes en deux messes'' ("Biċċiet għall-Orgni li Jikkonsistu minn Żewġ Quddisiet"), u l-ewwel manuskritt tfaċċa għall-ħabta tal-1689-1690.<ref>Gustafson, Bruce (2004). "France". In Alexander Silbiger (ed.). ''Keyboard Music Before 1700''. New York: Routledge. pp. 115–116.</ref><ref>Apel, Willi (1972). ''The History of Keyboard Music to 1700''. Bloomington: Indiana University Press. pp. 736–738.</ref> Meta kellu 21 sena, Couperin x'aktarx li la kellu l-fondi u lanqas ir-reputazzjoni biex jikseb pubblikazzjoni mifruxa, iżda x-xogħol ġie approvat mill-[[għalliem]] tiegħu, Michel Richard Delalande, li kiteb li l-mużika kienet "sabiħa ħafna u jistħoqqilha tingħata lill-pubbliku".<ref>Gustafson, Bruce (2004). "France". In Alexander Silbiger (ed.). ''Keyboard Music Before 1700''. New York: Routledge. pp. 115–116.</ref> Iż-żewġ quddisiet kienu maħsuba għal udjenzi differenti: l-ewwel waħda għall-parroċċi jew għall-knejjes lajċi ("paroisses pour les fêtes solemnelles"), u t-tieni waħda għall-kunventi jew għall-abbaziji ("couvents de religieux et religieuses"). Dawn il-quddisiet huma maqsuma f'ħafna movimenti f'konformità mal-istruttura tradizzjonali tal-Quddiesa bil-[[Lingwa Latina|Latin]]: ''Kyrie'' (ħames movimenti), ''Gloria'' (disa' movimenti), ''Sanctus'' (tliet movimenti), ''Agnus'' (żewġ movimenti), u ''Offertoire'' u ''Deo gratias'' addizzjonali għall-konklużjoni ta' kull quddiesa.