Fil-Medjuevu id-distrett kollu madwar iż-Żejtun, jiġifieri t-tarf tan-NfsinharNofsinhar ta' Malta, kien magħruf bħala ''le Terre di Santa Caterina'', ("l-artijiet ta' Santa Katerina" bit-[[lingwa Taljana|Taljan]] billi t-Taljan kien il-lingwa uffiċjali dak iż-żmien). Matul dan il-perjodu għadd ta' rħula ġodda bħal [[Ħal-Għaxaq]] u [[Marsaxlokk]] ħarġu minn partijiet tal-Parroċċa taż-Żejtun. Fis-snin medjevali iż-Żejtun kien imiss maż-[[Żurrieq]] billi Birżebbuġa kienet għadha parti miż-Żurrieq. Ir-[[Dejma|reġiment tal-milizzja lokali]] taż-Żejtun kien wieħed mill-ewwel li ġie wiċċ imbwiċċ mal-forzi Ottomani fil-bidu tal-[[Assedju l-Kbir]] tal-1565, iżda l-belt kompliet issofri minn attakki mill-[[pirati]] Torok sal-1614, meta attakk mit-Torok kien megħlub mingħajr l-għajnuna tal-milizzji l-oħra. Il-belt kellha rwol minuri fil-Imblokk Franċiż tal-1799/1801 bħala kwartier għas-suldati. Din kienet waħda mill-ewwel bliet f'[[Malta]], barra miż-żoni fortifikati prinċipali ta' Malta, li kellha Ġnien Pubbliku. Dan il-ġnien, Ġnien Luqa Briffa, għadu hemm sallum. Dan hu msemmi għal suldat tal-kavallerija famuż ta' matul l-[[Assedju l-Kbir ta' Malta]].
Iż-Żejtun għadda l-ħakma Ingliża tal-gżejjer Maltin bħala post kwiet rurali fir-raba' ħadra ta' Wied Mazza. F'dan il-perjodu kien hemm wieħed mill-ħafna sptarijiet f'Malta għal suldati Ingliżi u Franċiżi feruti fil-[[Ewwel Gwerra Dinjija|Ewwel Gwerra Dinjija]]. Mill-Indipendenza ta' Malta 'l hawn iż-Żejtun kiber ħafna.
