Evangelista Menga: Differenza bejn il-verżjonijiet
traduzzjoni ta' en:Evangelista Menga |
(L-ebda differenza)
|
Reviżjoni ta' 09:12, 9 Ottubru 2020
Evangelista Menga (c. 1480 – c. 1571) kien inġinier militari Taljan.
Hu kien minn Francavilla Fontana. Menga kien l-inġinier militari tal-Imperatur Karlu V, u ddiżinja diversi kastelli fl-Italja inkluż dawk ta' Copertino, Barletta,[1] Mola di Bari u Parabita, flimkien ma torri f'Margherita di Savoia. Bejn l-1560 u l-1567, Menga kien l-inġinier residenti tal-Ordni ta' San Ġwann,[2] u kien involut fit-tiswija tal-fortifikazzjonijiet ta' Malta matul l-Assedju l-Kbir tal-1565.
Huwa żżewweġ lil Maria Coco, u kellhom tifel wieħed jismu Avolio. Dan kellu erbat itfal: Sigismondo, Porzia, Camilla u Laura. Sigismondo żżewweġ lil Ottavia Calefato fi Francavilla, u Porzia żżewwġet lil Angelo Perruccio di Leverano.
Menga rċieva t-titlu onorifiku ta' kavallier minħabba s-servizz tiegħu lill-Ordni, u ngħata pensjoni ta' 300 skud. Huwa miet madwar l-1571 meta kellu xi 90 sena, probabli f'Malta.
Referenzi
- ^ Grisotti, Marcello (1995). Barletta, il castello, la storia, il restauro (bit-Taljan). Barletta: Adda. p. 51.
- ^ Schiavone, Michael J. (2009). Dictionary of Maltese Biographies Vol. 1 A–F (bl-Ingliż). Tal-Pietà: Pubblikazzjonijiet Indipendenza. p. 520–521. ISBN 9789993291329.