Toni Abela: Differenza bejn il-verżjonijiet
Content deleted Content added
No edit summary |
No edit summary |
||
Linja 1:
Toni Abela (mwieled fit-2 ta’ Lulju, 1957) huwa politiku Malti li ġie elett bħala Deputat Mexxej (għall-Affarijiet tal-Partit) tal-Partit Laburista f’Ġunju 2008. F’dawn l-aħħar 30 sena kien magħruf għal posizzjonijiet b’saħħithom fuq kontabilità, trasparenza u governanza korretta. Huwa wieħed mill-persuni li fassal l-Att dwar il-Whistleblower, l-Att dwar il-finanzjament ta’ partiti politiċi u l-liġi li neħħiet il-preskrizzjoni tal-politiċi f’każijiet ta’ abbuż u korruzzjoni. Fi Frar 2015 ġie nnominat mill-Gvern ta’ Malta biex iservi bħala membru tal-Qorti Ewropea tal-Awdituri.
==
'''Deputat Mexxej tal-Partit Laburista (Affarijiet tal-Partit) (2008-2016)'''
Huwa ġie elett Deputat Mexxej għall-Affarijiet tal-Partit fit-12 ta’ Ġunju 2008. Minbarra r-responsabbiltajiet ġenerali tiegħu tat-tmexxija u l-ġestjoni tal-affarijiet interni tal-Partit, huwa mexxa wkoll il-65 fergħa politika tal-Partit Laburista. Huwa stabbilixxa standards ta’ tmexxija tajba fid-39 Kunsill Lokali bi tmexxija Laburista u ra li dawn l-istandards ikunu rispettati. Matul il-mandat tiegħu, il-Partit Laburista għadda minn bidliet radikali fil-livelli kollha ta’ organizzazzjoni.
· '''Attakk fuq Toni Abela matul il-Kampanja Elettorali tal-2013'''
Toni Abela kien wieħed mill-miri ewlenin tal-attakki tal-Partit Nazzjonalista matul il-kampanja għall-Elezzjoni Ġenerali tal-2013 li rat lill-Partit Laburista jirbaħ l-elezzjoni b’rekord ta’ voti u differenza ta’ 11.4% bejn iż-żewġ partiti. Il-Partit Nazzjonalista ddikjara li Toni Abela waqqaf barman ta’ ċentru politiku tal-Partit Laburista milli jiġi investigat mill-pulizija, wara allegat użu ta’ kokaina fil-bar, waqt il-ħin tax-xogħol.
Wara l-elezzjoni, kien hemm qbil ġenerali li dan ma kienx għajr attakk politiku skorrett waqt kampanja elettorali, bil-Partit Nazzjonalista stess jiddikjara fl-analiżi ta’ wara r-riżultat elettorali li l-attakk fuq Toni Abela kkontribwixxa għat-telfa tiegħu. Matul il-kampanja elettorali nnifisha, il-Kummissarju tal-Pulizija ddikjara li ma kien hemm ebda każ x’jittella’ kontra Toni Abela.
Iktar mill-ħamġitlu r-reputazzjoni, l-attakk fuq Toni Abela żveka l-korrettezza politika li mexa biha, fejn keċċa lill-barman, minkejja li kien hemm biss suspett żgħir, mingħajr ebda evidenza, ta’ dak li ġara. Fl-istess waqt Toni Abela ma aċċettax li din il-persuna tidħol lura fiċ-ċentru politiku, wara numru ta’ ġustifikazzjonijiet li pprova jagħmel. Toni Abela ma kellu l-ebda prova, pero ma ried jiehu l-ebda riskju u mingħajr esitazzjoni, keċċa lill-persuna kkonċernata minnu fih.
'''President (1988 – 1989)'''
Fl-1988, huwa ġie elett President tal-Partit Laburista u serva f’din il-kariga sal-1989 meta kellu jirreżenja mill-partit wara li ħa pożizzjoni kontra l-korruzzjoni u l-elementi kriminali fi ħdan il-partit.
'''Ko-fundatur tal-Alternattiva Demokratika (1989)'''
F’din l-istess sena, huwa waqqaf l-Alternattiva Demokratika, il-Partit ambjentali f’Malta, flimkien mal-whip ta’ dak iż-żmien tal-Partit Laburista, Wenzu Mintoff. Hawnhekk ħadem għal kwistjonijiet ambjentali, l-ugwaljanza bejn is-sessi, it-trasparenza politika u sistema elettorali aktar ġusta bl-introduzzjoni ta’ kwota nazzjonali li tippermetti lill-partiti politiċi żgħar li jkunu rappreżentati fil-Parlament f’konformità mal-mudell Ġermaniż. Huwa kkampanja favur l-introduzzjoni tal-att tal-Whistle Blower, l-Att dwar il-Libertà tal-Informazzjoni, it-tneħħija tal-preskrizzjoni għall-uffiċjali pubbliċi f’każ ta’ abbuż ta’ poter u korruzzjoni u favur il-ħtieġa ta’ Liġi dwar il-Finanzjament tal-Partiti.
'''Viċi Sindku tal-Ħamrun (1993)'''
Fl-1993 huwa ġie elett Viċi Sindku tal-Ħamrun, belt ewlenija f’Malta, u kien responsabbli mill-infurzar tal-liġi u l-ġestjoni tal-uffiċju tal-ilmenti taċ-ċittadini, Huwa introduċa l-ewwel ordinamenti (bye-laws) u stabbilixxa l-ewwel qorti lokali.
{{DEFAULTSORT:Abela, Toni}}
| |||