Papa Pawlu VI: Differenza bejn il-verżjonijiet
Content deleted Content added
→Diffikultajiet: wikilink edit |
No edit summary |
||
Linja 1:
Papa Pawlu VI (Concesio, 26 ta' Settembru 1897 – Castel Gandolfo, 6 ta' Awwissu 1978), kien il-262 Papa tal-Knisja Kattolika mill-1963 sal-1978.
== Saċerdot ==
Giovanni Battista Montini twieled f’Concesio, qrib [[Brescia]] fl-[[Italja]], fis-26 ta’Settembru 1897. Missieru kien avukat influwenti li kien responsabbli mill-ġurnal lokali. Minn età żgħira kien juri interess kbir fil-kotba u fit-tagħlim. Minħabba saħħtu ma ntgħażilx għas-servizz militari fl-[[Ewwel Gwerra Dinjija|I Gwerra Dinjija]]. Studja fi Brescia u [[Ruma]], fejn ggradwa fil-liġi ċivili u kanonika, fit-teoloġija u l-filosofija. Ordna qassis fl-1920,
== Arċisqof ta' Milan ==
Fl-1954 ġie kkonsagrat arċisqof ta’ [[Milan]], fejn ħadem ħafna biex il-Knisja tkun qrib tal-ħaddiema. Fl-1958 sar kardinal (unur li kien irrifjutah sitt snin qabel minn idejn il-[[Papa Piju XII]]). Ħa sehem attiv fl-ewwel sessjoni tal-[[Konċilju Vatikan II]] f’Ottubru 1962.
== Papa ==
Wara l-mewt ta’ [[Papa Ġwanni XXIII]] fl-1963, l-għażla waqgħet fuqu. Montini ħa l-isem ta’ Pawlu VI minħabba l-interess kbir tiegħu fl-Ittri u fl-ispiritwalità ta’ [[San Pawl]] iżda l-aktar għall-''approach'' missjunarju tiegħu bħal tal-appostlu Pawlu. L-ewwel att importanti tiegħu kienet it-tħabbira li l-Konċilju se jkompli.
Il-Papa Pawlu VI tlaqqam “il-papa pellegrin” għax bejn l-1964 u l-1970 għamel disa’ vjaġġi barra mill-Italja biex b’hekk sar l-ewwel Papa fi żminijiet moderni li ħareġ barra mill-Italja. Fl-1964 Pawlu VI żar l-[[Iżrael|Art Imqaddsa]]. Fl-1965, f’laqgħa storika, flimkien ma’ Athenagoras I, il-patrijarka Grieg Ortodoss ta’ Kostantinopli laħaq ftehim li jħassar l-iskomuniki reċiproċi li kienu saru mill-Knejjes tal-Lvant u l-Punent fl-1054.
Iżda forsi l-isbaħ siegħa tiegħu kienet nhar l-4 t’Ottubru 1965 meta sar l-ewwel Papa li ndirizza n-[[Ġnus Magħquda|Nazzjonijiet Magħquda]] (UN) fi [[New York]] u l-ewwel Papa li rifes fuq il-kontinent Amerikan. Id-diskors emozzjonali tiegħu qajjem lill-assemblea ġenerali bil-wieqfa f’applaws kbir meta qal il-kliem famuż: “Qatt iżjed gwerra, gwerra qatt iżjed! Paċi, hija l-paċi li trid tmexxi d-destin tal-popli u tal-umanità kollha.” Żar ukoll il-[[Kolumbja]] fl-1968, l-[[Uganda]] fl-1969, u f’diversi pajjiżi
== Diffikultajiet ==
Il-Papa Ġwanni XXIII tajjar “l-ajruplan” tal-Konċilju u Pawlu VI kellu l-biċċa xogħol iebsa li jillandjah tajjeb. Wara l-Konċilju eluf ta’ saċerdoti talbu d-dispensa u lejn l-aħħar ta’ ħajtu Pawlu VI stqarr li dan kien għalih “l-itqal salib” li kellu jġorr. Pawlu VI irriforma l-kurja Rumana, abolixxa l-aristokrazija papali u neħħa ħafna mill-pompa li kienet għadha assoċjata mal-papat.
Minkejja li kien kritikat ħafna l-aktar fi ħdan il-Knisja nnifisha, Papa Pawlu VI kien irrispettat universalment għall-intellett u l-ispiritwalità, l-umiltà u s-sensibbiltà tiegħu. Miet f’Castel Gandolfo fis-6 t’Awissu 1978, fl-età ta’ 81 sena, tliet xhur wara li nstab maqtul il-politiku ħabib kbir tiegħu, [[Aldo Moro]].
{{DEFAULTSORT:Pawlu 6}}
|