Mario Evaristo
Marino "Mario" Evaristo (twieled fl-10 ta' Diċembru 1908 – miet fit-30 ta' April 1993) kien plejer tal-futbol Arġentin li kien jilgħab bħala midfilder. Kien imlaqqam bħala El Galgo.
| Informazzjoni personali | |||
|---|---|---|---|
| Isem sħiħ | Marino Evaristo | ||
| Twelid | 10 ta' Diċembru 1908 Buenos Aires, Arġentina | ||
| Mewt | 30 ta' April 1993 (84 sena) Quilmes | ||
| Tul | 1.70 m | ||
| Rwol | Midfilder | ||
| Mixtliet | |||
| Sportivo Palermo | |||
| Karriera professjonali | |||
| Snin | Klabb | ||
| 1926–1931 | Boca Juniors | ||
| 1932 | Sportivo Barracas | ||
| 1933–1935 | Independiente | ||
| 1935–1936 | Genoa | ||
| 1936–1938 | Antibes | ||
| 1938–1939 | Nice | ||
| Independiente | |||
| Tim nazzjonali | |||
| 1929–1930 | Arġentina | ||
Karriera immodifika
Wara li beda ma' Sportivo Palermo Buenos Aires, ingħaqad ma' Boca Juniors fejn magħhom qatta' ħames staġuni bejn l-1926 u l-1931. Magħhom rebaħ żewġ kampjonati tad-dilettanti tal-1926 u l-1930, u fl-1931 rebaħ l-ewwel kampjonat professjonali li qatt sar ġewwa l-Arġentina.
Fl-1932 ħalla lil Boca sabiex jingħaqad ma' Sportivo Barracas fejn magħhom rebaħ it-tliet kampjonat professjonali. L-esperjenza tiegħu mal-klabb damet biss sena, fejn fl-aħħar issieħeb mal-Independiente. Anke mat-tim minn Avellaneda qatta' biss staġun wieħed.
Fl-1935 ittrasferixxa l-Ewropa, speċifikament l-Italja, mat-tim ta' Genoa. Magħhom lagħab 11-il darba u skorja 4 gowls. L-esperjenza mar-rossoblu kienet ukoll waħda qasira, u s-sena ta' wara mar Franza ma' Antibes. Iż-żmien fil-kontinent Ewropew spiċċat mal-klabb ta' Nizza fl-1939.
Hu temm il-karriera tiegħu lura f'art twelidu mal-Independiente.
Internazzjonali immodifika
Evaristo lagħab għall-Arġentina 9 darbiet, fejn skorja 3 gowls. Fl-1929, mat-tim nazzjonali hu rebaħ il-Copa América fejn skorja 3 gowls. Is-sena ta' wara ħa sehem fl-ewwel edizzjoni tat-Tazza tad-Dinja li saru fl-Urugwaj. Mal-albiceleste wasal sal-finali u Evaristo kien fost il-ħdax-il plejer li beda fit-telfa ta' 4–2.
Unuri immodifika
Klabb immodifika
- Boca Juniors
- Primera División: 1926, 1930, 1931
- Sportivo Barracas
- Campeonato de la AAAF: 1932
Nazzjonal immodifika
Ħoloq esterni immodifika
- Mario Evaristo – rekord kompetittiv tal-FIFA (arkivjat)
- (ES) Statistika fuq Historia de Boca
