Julius Wagner-Jauregg
Julius Wagner-Jauregg (twieled fis-7 ta' Marzu 1857 – miet fis-27 ta' Settembru 1940) kien fiżiku Awstrijak, li rebaħ il-Premju Nobel għall-Fiżjoloġija jew għall-Mediċina fl-1927, u huwa l-ewwel psikjatra li rebaħ dan il-premju. Il-Premju Nobel tiegħu ngħata "għall-iskoperta tal-valur terapewtiku tal-inokulazzjoni kontra l-malarja fit-trattament tad-dimenzja paralitika".[1]
| Julius Wagner-Jauregg | |
|---|---|
 | |
| Ħajja | |
| Twelid |
Wels (en)  , 7 Marzu 1857, 1857 |
| Nazzjonalità | Awstrija |
| Mewt | Vjenna, 27 Settembru 1940 |
| Post tad-dfin | Ċimiterju Ċentrali ta' Vjenna |
| Familja | |
| Konjuga/i |
Balbine Karoline Wagner-Jauregg (en) Anna Wagner-Jauregg (en) |
| Ulied |
uri
|
| Aħwa |
uri |
| Edukazzjoni | |
| Alma mater | Università ta' Vjenna |
| Direttur tat-teżi |
Salomon Stricker (en) |
| Studenti dottorali |
Alexandra Adler (en) Wilhelm Reich (en) |
| Lingwi | Ġermaniż |
| Għalliema |
Salomon Stricker (en) |
| Okkupazzjoni | |
| Okkupazzjoni |
tabib neurologist (en) psikjatra professur |
| Impjegaturi |
Università ta' Vjenna Università ta' Graz |
| Premjijiet | |
| Nominat għal |
uri
|
| Sħubija |
Akkademja Rjali Żvediża tax-Xjenzi Akkademja Ungeriża tax-Xjenzi Austrian Academy of Sciences (en) Akkademja Ġermaniża tax-Xjenzi Leopoldina University singers and bards of Vienna (en) |
Ħajja bikrija immodifika
_%E2%80%93_Gerd_Hru%C5%A1ka.png)
Julius Wagner-Jauregg twieled bħala Julius Wagner fis-7 ta' Marzu 1857 f'Wels, l-Awstrija ta' Fuq, iben Adolph Johann Wagner u Ludovika Jauernigg Ranzoni.[2] Isem il-kunjom ta' familtu nbidel u sar "Wagner von Jauregg" meta missieru ngħata t-titlu ta' "Ritter von Jauregg" (titlu ereditarju ta' nobbiltà) fl-1883 mill-Imperu Awstrijak-Ungeriż. B'hekk żamm l-isem Julius Wagner Ritter von Jauregg sal-1918 meta l-imperu ġie xolt, u n-nobbiltà ġiet abolita. Il-kunjom tal-familja tqassar għal "Wagner-Jauregg".[3] Huwa attenda x-Schottengymnasium fi Vjenna qabel ma kompla jistudja l-Mediċina fl-Università ta' Vjenna mill-1874 sal-1880, fejn studja wkoll ma' Salomon Stricker fl-Istitut tal-Patoloġija Ġenerali u Sperimentali. Huwa kiseb id-dottorat tiegħu fl-1880 bit-teżi "L'origine et la fonction du cœur accéléré". Huwa telaq mill-Istitut fl-1882.[2]
Snin ta' wara immodifika
Wara li telaq mill-klinika, huwa wettaq esperimenti fil-laboratorju fuq l-annimali, li ma tantx kienu jiġu pprattikati wisq dak iż-żmien. Mill-1883 sal-1887 huwa ħadem ma' Maximilian Leidesdorf fil-Klinika Psikjatrika, għalkemm it-taħriġ oriġinali tiegħu ma kienx fil-patoloġija tas-sistema nervuża. Fl-1889 huwa kien is-suċċessur tal-famuż Richard von Krafft-Ebing fil-Klinika Newro-Psikjatrika tal-Università ta' Graz, u beda r-riċerka tiegħu fuq il-glandola tat-tirojde, il-kretiniżmu u l-jodju. Fl-1893 huwa sar il-Professur Straordinarju tal-Mard Psikjatriku u tas-Sistema Nervuża, u d-Direttur tal-Klinika tal-Mard Psikjatriku u tas-Sistema Nervuża fi Vjenna, bħala s-suċċessur ta' Theodor Meynert. Student u assistent ta' Wagner-Jauregg matul dan iż-żmien kien Constantin von Economo.[2]
Għaxar snin wara, fl-1902, Wagner-Jauregg mar jaħdem fil-klinika psikjatrika tal-Isptar Ġenerali u fl-1911 reġa' lura fil-kariga preċedenti tiegħu. Fl-1935, huwa ngħata l-Premju Cameron għat-Terapewtika tal-Università tal-Edinburgu.[2]
Premju Nobel immodifika
Ix-xogħol prinċipali li wettaq Wagner-Jauregg matul ħajtu kien marbut mat-trattament tal-mard mentali bl-induzzjoni tad-deni, magħruf bħala piroterapija. Fl-1887 huwa investiga l-effetti ta' mard li jqabbad id-deni fuq il-psikożi, u uża l-erisipela u t-tuberkulin (skoperti fl-1890 minn Robert Koch). Peress li dawn il-metodi ta' trattament ma ħadmux tajjeb ħafna, huwa pprova fl-1917 l-inokulazzjoni tal-parassiti tal-malarja, u din kienet suċċess kbir fil-każ tad-dimenzja paralitika (imsejħa wkoll pareżi ġenerali tan-nies b'mard mentali), ikkawżata min-newrosifilide, li dak iż-żmien kienet marda terminali.[4] Kien ġie osservat li wħud li żviluppaw deni għoli setgħu jiġu mfejqa mis-sifilide.
Għalhekk, mill-1917 sa nofs is-snin 40 tas-seklu 20, il-malarja indotta bl-inqas parassita aggressiva, Plasmodium vivax, intużat bħala trattament għas-sifilide terzjarja minħabba li kienet tipproduċi deni għoli u fuq perjodu twil ta' żmien (forma ta' piroterapija). Dan kien meqjus bħala riskju aċċettabbli minħabba li iktar 'il quddiem il-malarja setgħet tiġi ttrattata bil-kinina, li kienet disponibbli dak iż-żmien. Din l-iskoperta wasslitu biex jirbaħ il-Premju Nobel għall-Mediċina fl-1927. Il-pubblikazzjoni prinċipali tiegħu kienet ktieb bit-titlu Verhütung und Behandlung der progressiven Paralyse durch Impfmalaria (Il-Prevenzjoni u t-Trattament tal-Paraliżi Progressiva bl-Inokulazzjoni tal-Malarja) fil-Volum Memorjali tal-Manwal tat-Terapija Sperimentali tal-1931. It-teknika kienet magħrufa bħala malarjoterapija; madankollu, kienet tassew perikoluża, u kienu jmutu madwar 15 % tal-pazjenti; b'hekk ma għadhiex tintuża iktar.[5]
Trattament sesswali għall-psikożi immodifika
Wagner-Jauregg ordna taħlitiet tat-tirojde u tal-ovarji lil pazjenti psikotiċi adolexxenti li kienu esperjenzaw dewmien fil-pubertà tagħhom, u dawn wasslu għall-iżvilupp tal-karatteristiċi sesswali sekondarji tagħhom u tnaqqis fil-psikożi tagħhom. Pazjenti oħra ġew meqjusa li kienu skizzofreniċi minħabba masturbazzjoni eċċessiva, u Wagner-Jauregg kien jisterilizzahom, bir-riżultat li kien jitqies bħala kundizzjoni "mtejba".[6]
Irtirar immodifika
Fl-1928, Wagner-Jauregg irtira mill-kariga tiegħu iżda baqa' attiv u f'saħħtu sa mewtu fis-27 ta' Settembru 1940. Meta kien irtirat, huwa ppubblika kważi 80 dokument xjentifiku. Bosta skejjel, toroq u sptarijiet fl-Awstrija ssemmew għalih.[2]
Ideoloġija u affiljazzjoni Nażista immodifika
Lejn l-aħħar jiem ta' ħajtu, Wagner-Jauregg kien influwenzat min-nazzjonaliżmu Ġermaniż ta' Hitler, u sar anti-Semita[7] u simpatizzant tan-Nażiżmu.[8] Evidenza dokumentarja tindika li huwa kien jappoġġa lill-Partit Nażista ftit wara l-invażjoni tal-Awstrija mill-Ġermanja fl-1938.[9][10][11][12] Madankollu, kummissjoni kontra n-Nażiżmu fl-Awstrija sabet li l-applikazzjoni tiegħu għas-sħubija fl-NSDAP kienet ġiet irrifjutata "...għal raġunijiet ta' razza", peress li martu Balbine Frumkin kienet Lhudija.[13]
Wagner-Jauregg kien favur l-ideoloġija tal-iġjene razzjali msejħa ewġenika, u influwenza studenti bħal Alexander Pilcz[13], li mbagħad sar awtur ta' manwal standard dwar il-psikjatrija razzjali li kienet tikkritika lil-Lhud li kienu suxxettibbli għall-mard mentali.[14]
Huwa kien ukoll favur l-isterilizzazzjoni sfurzata tan-nies kriminali u bil-mard mentali, u approva l-kunċett fl-1935 meta kien membru tas-Soċjetà Antropoloġika Awstrijaka.[15]
Huwa kien il-President tal-Lega Awstrijaka għar-Riġenerazzjoni u għall-Eredità Razzjali, li kienet favur l-isterilizzazzjoni ta' dawk li kellhom ġenetika inferjuri.[16]
Referenzi immodifika
- ^ "The Nobel Prize in Physiology or Medicine 1927". NobelPrize.org (bl-Ingliż). Miġbur 2021-09-27.
- ^ a b ċ d e "Physiology or medicine, 1922-1941", Jan Lindsten. World Scientific, 1999. p. 170. ISBN 981-02-3410-4, ISBN 978-981-02-3410-2.
- ^ "Julius Wagner-Jauregg Biography (1857-1940)". www.faqs.org. Miġbur 2021-09-27.
- ^ Raju T (2006). "Hot brains: manipulating body heat to save the brain". Pediatrics. 117 (2): e320–1.
- ^ Gretchen Vogel (8 November 2013). "Malaria as a Lifesaving Therapy". Science. 342 (6159): 686.
- ^ "Endocrine Psychiatry: Solving the Riddle of Melancholia", Edward Shorter, Max Fink. Oxford University Press US, 2010. p. 23. ISBN 0-19-973746-0, ISBN 978-0-19-973746-8.
- ^ "Shock therapy: a history of electroconvulsive treatment in mental illness", Edward Shorter, David Healy. Rutgers University Press, 2007. p. 20. ISBN 0-8135-4169-7, ISBN 978-0-8135-4169-3.
- ^ "Madhouse: A Tragic Tale of Megalomania and Modern Medicine", Andrew Scull. Yale University Press, 2007. p. 86. ISBN 0-300-12670-0, ISBN 978-0-300-12670-9.
- ^ "The Trials of Masculinity: Policing Sexual Boundaries, 1870-1930", Angus McLaren. University of Chicago Press, 1999. ISBN 0-226-50068-3, ISBN 978-0-226-50068-3.
- ^ "A historical dictionary of psychiatry", Edward Shorter. Oxford University Press US, 2005. p. 299. ISBN 0-19-517668-5, ISBN 978-0-19-517668-1
- ^ "The complete idiot's guide to understanding the brain", Arthur Bard, Mitchell Geoffrey Bard. Alpha Books, 2002. p. 49. ISBN 0-02-864310-0, ISBN 978-0-02-864310-6.
- ^ Julius Wagner-Jauregg (1857-1940), Magda Whitrow. Smith-Gordon, 1993. p. 199. ISBN 1-85463-012-1, ISBN 978-1-85463-012-4.
- ^ a b "Vienna: a doctor's guide : 15 walking tours through Vienna's medical history", Wolfgang Regal, Michael Nanut. Springer, 2007. p. 75. ISBN 3-211-48949-5, ISBN 978-3-211-48949-9.
- ^ "Love+marriage: and other essays on representing difference", Sander L. Gilman. Stanford University Press, 1998. p.105-106. ISBN 0-8047-3262-0, ISBN 978-0-8047-3262-8.
- ^ "Interwar Vienna: Culture Between Tradition and Modernity", Deborah Holmes, Lisa Silverman. Camden House, 2009. p. 101. ISBN 1-57113-420-4, ISBN 978-1-57113-420-2.
- ^ "Freud's foes: psychoanalysis, science, and resistance", Kurt Jacobsen. Rowman & Littlefield, 2009. p. 105. 0742522636, 9780742522633.